«Նոյեմբերի 9-ին ստորագրված հայտարարության մեջ գրած է, որ 4 տարի 6 ամսից հետո Ադրբեջանը կարող է հրաժարվել Ռուսաստանի խաղաղապահ զորքերի ծառայությունից: Հարց է առաջանում, թե ինչ է լինելու այդ սցենարի պարագայում: Եվ ոչ ոք այդ հարցի պատասխանը չունի: Ես նույնպես չունեմ այդ հարցի պատասխանը: Այս հարցով ամեն օր պետք է զբաղվի ՀՀ կառավարությունը: Եվ առնվազն մինչև տարվա վերջ Ղարաբաղում ապրող յուրաքանչյուր բնակիչ պետք է ամեն օր ինքն իրեն հարցնի՝ հետո ի՞նչ է լինելու: Այսօ՛ր մտածեն, այլ ոչ թե թողնեն հետոյի ու 4 տարի հետո փաստի առաջ կանգնեն: Մի որոշ ժամանակ հակառակորդը կարող է ագրեսիվություն չցուցաբերել, բայց հետո ասել, որ համաձայնություն չի տալիս խաղաղապահների գործունեությանը:
Պարտադիր պետք է վերականգնել բանակցային գործընթացը: Ենթադրաբար, դա պետք է լինի Մինսկի խմբի շրջանակում: Եթե Ռուսաստանը հայտնի պատճառներով այս ամբողջ գործընթացն իր վրա է վերցրել, և եթե ֆորմատը պետք է փոխվի, ուրեմն Ռուսաստանը պետք է լինի հիմնական շարժիչ ուժը, որն իր վրա է վերցնում բանակցային գործընթացը:
Մենք պետք է ամեն ինչ անենք, որ դիվանագիտական այդ գործընթացը շարունակվի: Հակառակ դեպքում, չորսուկես տարի հետո կունենանք նույն ճգնաժամը, որը շատ արագ կվերածվի հումանիտար ճգնաժամի: Յուրաքանչյուրդ փորձեք ձեզ վրա պատկերացնել, թե ինչ եք անելու, եթե խաղաղապահները չլինեն Ղարաբաղում: Նույն օրը կհավաքվեք և կլքեք Ղարաբաղը: Այդ պատճառով հենց հի՛մա է պետք աշխատել: Այս իշխանությունը, այս մարդիկ ընդունակ չեն դա անել: Իրենց ամենօրյա հարցերով են զբաղված, կարծես ուրիշ խնդիր չկա այս երկրում»:
Twitter: [ Ссылка ]
Facebook: [ Ссылка ]
Telegram: [ Ссылка ]
Instagram: [ Ссылка ]
