"Архи ууснаас болоод би одоо мэдрэгдэж байгаа энэ мэдрэмжээс өөр юу ч санахгүй байна."
Бид нас залуудаа янз бүрийн алдаа гаргадаг. Харамсмаар алдаа гаргасан ч тэрийгээ ухаарч, алдаанаасаа суралцдаг. Залуу охидын хувьд жирэмсэн болно гэдэг хамгийн харамсмаар зүйл байх. Үүнээс болж амьдрал дуусна гэсэн үг биш боловч түүнээс болж хүмүүсээс ирэх шүүмжлэл, хүсч мөрөөдөж байсан зүйлсээ хойш тавих гээд олон асуудлууд гарч ирдэг. "Би яагаад ийм юм хийчих вээ", "Энэ хүүхдийг би гаргах уу" гэж асуух байдалд хүрэхээсээ өмнө хүүхэдтэй болоход бэлэн биш бол өөрийгөө хамгаалах нь хамгийн чухал юм шүү.
Энэ видеон дээр гарч буй залуу охины хувьд арван жилээ төгсөөд сэтгүүлч болох мөрөөдөлтэй. Төгсөлтийн баяраа тэмдэглэх гээд согтууруулах ундаа хэтрүүлэн хэрэглэжээ. Тэрнээсээ болж, найз залуутайгаа бэлгийн харьцаанд орчихсон байна. Хэсэг хугацааны дараа түүний дотор муухайрч, бие нь эвгүйцэн жирэмсэн болчихсон юм биш биз дээ гэсэн айдас нь жирэмсний тестээр үнэн болно. Найз залуу нь бэлгэвч хэрэглэхгүй байхад илүү дээр байдаг гээд тэр орой бэлгэвч хэрэглээгүй байжээ.
Охин одоо яах хэрэгтэй вэ? Ээждээ хэлэх үү? Их сургуульд орох нь юу болох бол? Найзууд нь түүнийг юу гэж бодох бол?
Та ямар ч насны хүн байсан, бэлгийн харьцаанд орохдоо үргэлж зөв зохистой хамгаалалт хэрэглэж байхыг бид зөвлөж байна. Нэг удаа сайхан байж болох ч, энэ нь хүсээгүй жирэмслэлтээс илүү сайхан байж чадна гэж үү?
Манай видеог үзсэн танд баярлалаа!
