Bir müddət əvvəl Binəqədi Rayon İcra Hakimiyyətinin başçısı vəzifəsindən azad olunan Xaləddin İsgəndərovun ailəsi ilə birlikdə Almaniyaya köçməsi ilə bağlı məlumat yayılıb. Onun ölkəni birdəfəlik tərk etdiyi bildirilirdi.
Yayılan xəbərlə bağlı Bizim Yol sabiq icra başısı ilə əlaqə saxlayıb. O açıqlamasında sərt danışıb.
“Mən nəyə görə öz ölkəmi tərk etməliyəm? Azərbaycan dünyada ən gözəl ölkələrdən birdir. Hazırda vətənimdəyəm, Azərbaycandayam. Dincəlirəm. İşinizlə məşğul olun. Jurnalsitlər mənim haqda nəsə yazırlar. Belə xəbərlər yalandır. Mən Azərbaycanı çox sevirəm burda da yaşayacam. Hələki heç bir işlə məşğul deyiləm. İstirahət edirəm”.
BAKU.WS
******************************
Bakı Metropolitenində yeni təyinat olub.
BAKU.WS xəbər verir ki, metronun mətbuat xidməti vəzifəsinə Bəxtiyar Məmmədov təyin edilib.
Bu gün Metropoliten rəhbəri Zaur Hüseynov B.Məmmədovu kollektivə təqdim edib.
Qeyd edək ki, B.Məmmədov uzun müddətdir Bakı Metropolitenində ictimaiyyətlə əlaqələr şöbəsində çalışıb.
Xatırladaq ki, bir müddət əvvəl Nəsimi Paşayev öz istəyi ilə vəzifədən gedib.
BAKU.WS
******************************
Ötən gün qəzaya düşən Türkan Vəlizadə sabah günorta saat 15:00- da əməliyyat olunacaq.
Xeberchi.az-ın xəstəxanada olan müxbiri bildirir ki, ifaçı xanım sabah ayaqlarından və çiynindən əməliyyat olunacaq.
Dünən xəstəxanaya gətirilən T. Vəlizadənin vəziyyəti yaxşıdı. İfaçını səhnə yoldaşları müğənnilər Emil Bədəlov, Nigar Abdullayeva, Əbdülxalid, aparıcı Könül Muxtarova ziyarət ediblər.
Xatırladaq ki, qəza yağışlı havada olub, avtomobil sürüşüb yoldan çıxıb.
BAKU.WS
*******************************
“ARB Günəş” kanalında yayımlanan “Mən məktəbli ikən” verilişinin qonağı xalq artisti Gülyanaq Məmmədova olub.
Axşam.az-ın məlumatına görə, müğənni xalq artisti Zeynəb Xanlarova ilə bağlı xatirəsini bölüşüb:
“Şəkidə təşkil olunan müsabiqələrdən birindən çıxanda Zeynəb Xanlarova və həmin dövrdə rayon icra hakimiyyətində 3-cü katib işləyən Sevil xanım qarşımıza çıxdı. Sevil xanım bizi göstərib dedi ki, bu qızlar gələcəyin Zeynəbləridir. Zeynəb Xanlarova əyilib üzümüzdən öpdü, başımıza sığal çəkdi. Bilirsiniz, uşağın yadından heç nə çıxmır. O qədər sevinmişdim onu həyatda gördüyümə, məktəbdə hamıya bu əhvalatı danışırdım ki, mən Zeynəb Xanlarova ilə görüşmüşəm, o məni yanağımdan öpüb. Buna görə hətta üzümü də yumaq istəmirdim”.
