Film, Qərbi Azərbaycandan zorla çıxarılmış həmyerlilərimizin vətən həsrətindən bəhs edir. Filmin qəhrəmanı, yaşa dolmuş ağsaqqal, oğlunun gətirdiyi doğma torpaqlarının arxiv kadrlarına baxaraq özünü sanki o torpaqlarda hiss edir. Qəhrəmanımızın səssiz kadrlara təkrar-təkrar baxışı, onun içindəki kədərin gözlərindəki əksi, yaşlının getdikcə əldən-ayaqdan düşməsi ailə üzvlərini narahat edir. Onlar qoca ilə torpaq arasında olan bu bağlılığı qırmamaq üçün bu kadrları ona dəfələrlə göstərirlər. Qoca hər gün kadrları izləyərək yuxulayır. Yuxusunda isə doğma kəndini görür və sonda da dünyasını vətən həsrəti ilə elə yuxuda ikən dəyişir.

свернуть