عايز جواباتك ..
يعنى إفترقنا خلاص
عايز ايامك ..
يعنى إنتهينا خلاص
طويت صحايف عمرى معاك وبإيدى لميتهم
وفى رعشة القلب اللى هوى وقع جواب منهم
إبتديت أقراه الكلام الحلو اللى جريت وراه
واللي ضاع وياه عمر قلبي اللي انت عشت سنين معاه
سطرين والثالث .. ودموعي انسالت
أكثر ما هى دموع ألم .. كانت أسف ودموع ندم
ع الكلام اللى انت بعته من سنة
اللى قلته أنت وصدقته أنا
ولقتنى بقول .. دا مش معقول
كل دا حبر فى ورق النهاردة بينحرق
القصور اللى كلامك كان بانيها
واللى كل جواب فرش لى ركن فيها
كل دا كان حب ولا كنت بتسلي إيديك
مش كتبته بقلب ولا حد كان غاصب عليك
يا أجمل وهم صادفته .. يا أحلى كدب صدقته
مايهمنيش إنك خدعت القلب بعد سنين هنا أنا شفتهم
ما تهمنيش النار، مادام النار دي جنة كام سنة انا عشتهم
عايز جواباتك، خدهم خلصنى منهم
لا.. دول من حقى مش ح بعتهوملك
لا.. دول حتة منى روح إنت لوحدك
دول أجمل حاجة إنكتب لى فى عمرى
دول عمرى امبارح وكمالة عمرى
ح أقراهم تانى وح اقابلك فيهم
يا فضلت أحبك يا كرهتك فيهم
عايز جوباتك .. يعنى إفترقنا خلاص
عايز ايامك .. يعني إنتهينا خلاص
كلمات الشاعر حسين السيد
لحن الموسيقار رياض السنباطى
غناء نجاح سلام
تشدوبها مروة ناجى

свернуть