Бүгін Ақтөбеде мүмкіндігі шектеулі балалардың ата-аналары наразылыққа шықты. Олар бес жыл бойы мемлекеттік тапсырыспен жұмыс жасап келген оңалту орталығының жабылуына қарсы. Жиналғандар жергілікті билік орталықтағы ақыл есі кем, өздігінен жүріп тұра алмайтын балаларды қарттар үйіне қосатындарын түсінбейді. Ал әкімдіктегілер алдағы жылдан бастап кәсіпкермен келісім шартты бұзып, өзіміз балаларға арналған мемлекеттік оңалту орталығын ашпақ.
Жалғызбасты Нұрзат Жұмабаева қызы Айшаны осы орталыққа бес жасынан әкеледі. Сөзінше қызының жағдайы нашар болғаны сонша, тіпті өз анасын танымайтын хәлде болған. Ал қазір Айшаның жағдайы жақсарып, есте сақтау қабілеті түзелген.
НҰРЗАТ ЖҰМАБАЕВА, ата-ана:
– Осы жерде бес жыл болды. Емімізді тұрақты алып, массаж, лфк бәрін тұрақты түрде алып жатырмыз. Енді ертең бізді жауып тастаса, бұл қызды қайда апарамын? Бізді еш жер қабылдамайды. Отставание глубокий вообще.
Бұл орталықта Нұрзаттан басқа балаларының ертеңгі күні мен алатын емін ойлап мазасы қашқан жетпіске жуық ата- ана бар. Орталықтың жабылуына қарсы шыққан олар балаларын басқа жерге жіберуге де, ауыстыруға да қарсы.
ЖҰМАН ХАМЗУЛИЕВА, ата-ана:
– Себебін бізге айтпайды. Балаларымызды алып кетеміз деп бізге адам келіп тұр. Біз балаларымызды бермейміз. Қарттар үйіне балаларды қазір алып кетеміз дейді. Біздің құқымыз қайда?
Ал орталық басшысы болса мекеме мен мемлекет арасында он жылға жасалған келісімшарттың мерзімі бес жылға қысқартылғанын айтады. Сондықтан алдағы жылдан бастап мемлекеттен алатын тапсырыс тоқтатылады екен. Ал әр балаға бөлінетін ақша кесілсе, онда орталық жабылады.
НҰРИЛА ЖАРБОЛОВА, «Жайна» мүмкіндігі шектеулі балаларға арналған сауықтыру орталығының директоры
– Әрине «мемлекеттік ашамыз, біз өзіміз аламыз» десе мен ешкімге қарсы тұра алмаймын. Ал мүмкіндігі шектеулі балаларға мен частный, мынадай сома деп айтуға адами қасиетім жібермейді.
ЖАНАР ҚОЖАНОВА, тілші:
– Қазір бұл орталықты мүмкіндігі шектеулі, ақыл есі төмен, өте ауыр жағдайдағы балалар ем алып жатыр. Олар күндіз- түні дәрігерлерлдің қарауында. Өйткені мұндай жағдайдағы балаларды үй жағдайында ұстап, бағу мүмкін емес дейді.
Ал әкімдіктегілер алдағы жылдан бастап ерекше балалармен жұмыс жасайтын арнайы мемлекеттік мекеменің құрылатынын айтады. Ол орталықтың қарттар үйі жанынан ашылатыны да, балаларды сол жаққа ауыстыратыны да рас болып шықты.
БҰЛБҰЛ ЕЛЕУСІНОВА, Ақтөбе облысы әкімінің орынбасары:
– Бүгінгі күні материалдық базасына, балалардың толыққанды сол жерде тұруына, барлық қызметтерді алуына облыстық бюджеттен қаражат бөлінді.
Әкімдіктегілер мемлекеттік тапсырыс алып келген орталықтағы балалардың еміне, тамағына, жатып тұруына жылына сегіз жүз миллион теңге аударып келгенін айтады.
Жанар Қожанова, Жомарт Құдайбергенов
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#наразылық #мүгедек_жандар #Ақтөбе #детдом
