కామాక్షీ మూక పంచ శతి - పాదారవింద శతకం, KAMAKSHI MOOKA PANCHA SATHI - PADARAVINDA SATAKAM
మహిమ్నః పంథానం మదన పరిపంథి ప్రణయిని
ప్రభుర్నిర్ణేతుం తే భవతి యతమానోపి కతమః ।
తథాపి శ్రీ కాంచీ విహృతి రసికే కోపి మనసో
విపాక స్త్వత్పాద స్తుతివిధిషు జల్పాకయతి మామ్ ॥1
గలగ్రాహీ పౌరందర పురవనీ పల్లవరుచాం
ధృత ప్రాథమ్యానాం అరుణమహసాం ఆదిమగురుః ।
స మింధే బంధూక స్తబకసహయుధ్వా దిశి దిశి
ప్రసర్పన్ కామాక్ష్యాః చరణ కిరణానా మరుణిమా ॥2
మరాలీనాం యానాభ్యసన కలనా మూలగురవే
దరిద్రాణాం త్రాణవ్యతికర సురోద్యాన తరవే ।
తమస్కాండ ప్రౌఢి ప్రకటన తిరస్కార పటవే
జనోయం కామాక్ష్యాః చరణ నళినాయ స్పృహయతే ॥3
వహంతీ సైందూరీం సరణి మవనమ్రామరపురీ
పురంధ్రీ సీమంతే కవికమల బాలార్క సుషమా ।
త్రయీ సీమంతిన్యాః స్తనతట నిచోలారుణపటీ
విభాంతీ కామాక్ష్యాః పదనలిన కాంతిర్ విజయతే ॥4
ప్రణమ్రీ భూతస్య ప్రణయ కలహత్రస్త మనసః
స్మరారాతేశ్చూడావియతి గృహమేధీ హిమకరః ।
యయోస్సాంధ్యాం కాంతిం వహతి సుషమాభి శ్చరణయోః
తయోర్మే కామాక్ష్యా హృదయం అపతంద్రం విహరతామ్ ॥5
