Атырау облыстық тарихи-өлкетану музейі жанынан Бөкей Ордасының негізін қалаушы Бөкей хан Нұралыұлына арнап, бөлім ашылды.
Еліміздің батыс өңірінде қазақ зиялыларының қалыптасуында Бөкей ханның алатын орны ерекше. Ол бос жатқан Еділ мен Жайық арасында 1801 жылы патша Павел Біріншінің рұқсатымен Бөкей Ордасын құрды. Сөйтіп, қазақ даласы мен Ресей арасында экономикалық сауда-саттық жанданды. Қазақ даласына Еуропаның ілім-білімі келді. Бөкейхан салдырған қазақ-орыс мектебінде қазақ балалары білім алды. Сол жерде әке ісін алға сүйреген ағартушы Жәңгір хан Бөкейұлы, қазақтан шыққан тұңғыш генерал Ғұбайдолла Жәңгіров, Ресей Думасына депутат болған Бақыткерей Құлманов секілді көптеген қоғам қайраткерлері өсіп шықты. Мүйісте патшаның сенім грамотасымен қосқанда сол кезеңдегі екі ел арасындағы экономикалық байланыстарды растайтын көптеген құнды құжаттар қойылған.
Дулат Хамзин, көрме залының меңгерушісі:
-Алғашқы интеллигенция дейміз. Осы жерде ең бірінші мектеп ашылып, осы жерде қазақтардың сауаттануына, болашақ мәдениеттің қалыптасуына алғашқы қадам жасаған бірден бір тұлға ретінде қазіргі деректер мен зерттеулер негізінде ол туралы айтылып келеді.
