A sharakan "Nor tsaghik" (New flower) by Nerses Shnorhali performing "Varanda" choir of Shoushi.
Ներսես Շնորհալու (1102-1173թթ.) «Նոր ծաղիկ» տաղն է՝ Շուշիի «Վարանդա» երգչախմբի կատարմամբ:
Читайте на русском языке: [ Ссылка ]
Սա Քրիստոսի հարության մասին երգ է, որի խոսքերը թարգմանաբար ունեն այս նշանակությունը. «Այսօր գերեզմանի միջից նոր ծաղիկ երևաց, մահվան ստվերների խավարից երևաց հարության լույսը և հարյավ Քրիստոս»: Երգի հաջորդ հատվածներում, որտեղ այլ են միայն առաջին տողերը, ասվում է, որ գունազարդ հոգիների տունկերը կանաչել են կենդանությամբ և լույսի սաղարթները փթթել են հոգևոր գարնան մեջ:
Ընդհանրապես Հիսուսի հարությունը համարվում է նոր կյանքի սկիզբ՝ մարդկության համար: Մարդու մարմնի մեջ ծնված աստվածը խաչի վրա մահն ընդունելուց հետո հարություն առնելով ցույց տվեց, որ Աստծո պատկերով ստեղծված մարդը ևս պետք է հարություն առնի մահից հետո, և մարմնի մահանալուց հետո ամեն ինչ վերջացած չէ, այլ մարդը պետք է ժառանգի հավիտենական կյանքը: Քրիստոսից առաջ մարդկությունը փրկություն չուներ, բոլոր հոգիներն անխտիր գնում էին դժոխք, քանի որ ժառանգել էին ադամական մեղքը: Սակայն այժմ Քրիստոսն իր մահվամբ ու արյունով սրբեց մեր վրայից այդ մեղքը, դժոխքից ազատեց հոգիներին և այդպիսով մարդկության նոր կյանքի հիմքը դրեց: Եվ ահա, Ներսես Շնորհալին գեղեցիկ խոսքերով հենց այս իրողությունն է երգում, որ մարդկության համար այս նոր կյանքը նոր գույներ, գարնանային ծաղկունք է բերում և հեռու վանում մահվան ստվերը մեզանից:
Երգի խոսքերը՝
Նոր ծաղիկ պայծառ ցուցաւ, այսօր ի նոր գերեզմանէն:
Երեւեալ լոյս յարութեան, աւետիս,
Ի խաւարի ստուերաց մահու, աւետիս:
Յարեաւ Քրիստոս, աւետիս:
Երփնազարդ հոգւոցն տունկք կանաչացան կենդանութեամբ:
Երեւեալ լոյս յարութեան, աւետիս,
Ի խաւարի ստուերաց մահու, աւետիս:
Յարեաւ Քրիստոս, աւետիս:
Րենական լուսոյ սաղարթք, ի հոգեւոր գարնան փթթեալք:
Երեւեալ լոյս յարութեան, աւետիս,
Ի խաւարի ստուերաց մահու, աւետիս:
Յարեաւ Քրիստոս, աւետիս:
Հոլովակում հայ միջնադարյան մանրանկարներ են՝ Քրիստոսի խաչելության, հարության և դժոխքի ավերման թեմաներով` վերցված ֆեյսբուքյան «Հայ մատենագրութեան թուանշային գրադարան» էջից. [ Ссылка ] :
Armenian spiritual song "Nor tsaghik" (New flower) by Nerses Shnorhali (12th century). Performs "Varanda" choir from Shushi. This is an Easter song.
In the video are Armenian medieval miniatures. The pictures are taken from facebook-page "The Digital Library of Armenian bibliography". [ Ссылка ]
