للاشتراك في القناة
[ Ссылка ]
. ثلاث النصايح

أخذت من روحي لروحي نصايح
ثلاث يرضن النفوس الضياقي
جمع الحطب ومعلقات الذبايح
وحذف النشاما للغتر والطواقي
بقفرٍ خلا عشبه بالأزهار فايح
غصن الخزاما له بالآخر مراقي
تلقى أم سالم به تجر النوايح
يطيب مع طير الربيع التلاقي
بين أربعة جدران مانيب طايح
قطع الخرايم جبّرت عظم ساقي
في نون عيني بارق الوسم لايح
كن السحاب تسل فيها السناقي
إن عوّدوا غب المطر للفلايح
مانيب فلاحٍ يعدّل سواقي
عوّدت للي يكسبن المدايح
فيهن طرب قلبي ولذة مذاقي
سود البكار المكرمات المنايح
هاذي ضوت خلفة والأخرى ملاقي
ملحاً تباهت بالصميل يتمايح
تركي على كبد الحسود العراقي
خلوني أقضي باقي العمر سايح
مادام للعمر المطرّف بواقي
أمشي تحت غر المزون الروايح
هذا هواي ورغبتي واشتياقي
يرتاح بالي يوم أودّه وأصايح
وأبسط فراشي في مبارك نياقي
أنحاش عن ناسٍ تسوي الفضايح
عاشت بسوء أخلاق كذب ونفاقي
ناسٍ تسرّد للمشاكل شرايح
تثير من بين الأخوان الشقاقي
كل الحياة أحلام والعمر رايح
طرقي بها الدنيا وغيري طراقي


كلمات / خلف بن هذال
ألحان / فارس مهدي
ألبوم : المنوه


————————

تابع الفنان فارس مهدي 

تيليجرام : [ Ссылка ]
فيسبوك : [ Ссылка ]
تويتر : [ Ссылка ]
يوتيوب : [ Ссылка ]
انستاجرام : [ Ссылка ]
ساوند كلاود : [ Ссылка ]
المدونة : [ Ссылка ]


جميع الحقوق محفوظة لفارس مهدي
Fares Mahdi All rights reserved

свернуть