بەهار
بەهارە درەخت چرۆ دەرئەکا
کێویش کڵاوی خۆی لەسەر ئەکا
گژوگیا هەموو ئەبوژێنەوە
ئاسمانیش هەوری چڵکن دەرئەکا
خونچە لە سەر چڵ دێتەدەرەوە
لاولاو هاوشانی پاڵ عەرعەر ئەکا
لە دوورگەر سەیری ئاوی چەم بکەی
جوانتر دیمەنەو لە گەوهر ئەکا
سەیری چناری هەوارگەکان کە
لەنجە بەرامبەر سنەوبەر ئەکا
چاوەی ئاو هەموو دێنەوە هاژە
سروشت بوکێکە و جل لەبەر ئەکا
خاکی کوردستان بەراوردبکەی
لەگەڵ بەهەشتا بەرامبەر ئەکا
تێشکی روناکیی رۆژی ئازادی
روو لە وڵاتی تێکۆشەر ئەکا
گەلێ ژیانی هەرچەندە تاریک بێ
ئەوڕۆژە رادەی ژین سەروەر ئەکا
1/2/1958
Vår ur Jalal Dabaghs dikt samling Segerns sång

свернуть