БАБАМЫЗДЫҢ ҮНІСІҢ СЕН, ДОМБЫРА!
3 шілде күні Бөгетсай ауылдық мәдениет Үйінде @bogetsaymadeniet, @bogetsaykitaphana инстаграм парақшалары арқылы шілде айының алғашқы жексенбісі Ұлттық домбыра күніне орай «Бабамыздың үнісің сен, домбыра!» атты онлайн мерекелік концерті өткізілді.
Шілде айының бірінші жексенбісі – Ұлттық домбыра күні. 2018 жылдың 13 маусымында қоғамдық ұлттық мәдениет пен бірегейлікті сақтаумен қайта жаңғырту идеясының төңірегінде одан әрі топтастыру мақсатында шілденің бірінші жексенісін Ұлттық домбыра күні ретінде белгілеу туралы Жарлығы жарық көрді.
Тікелей эфирде Бөгетсай ауылдық мәдениет үйі құрылым бөлім басшысы Жаңаберген Токин ауыл тұрғындарын ұлттық домбыра күнімен құттықтап, ұлттық құндылықтарымыздың ұлық нышаны – домбыраның дүбірі әрқашан рухымызды көтеріп, елдігімізді еңселі ете берсін-деді.
Концертті Жансая Сағынайқызы жүргізіп, бұл күннің мәні мен маңызына тоқталып өтті. Ауыл өнерпаздары Жеткерген Токин «Мереке», Ануарбек Зинеғалиұлы «Туған жер», Дильназ Дүйсенбай «Домбырасыз сән қайда», Сәнім Төлеуова «Мереке» әндерін шырқап, ақындардың домбыра тақырыбындағы өлеңдерін «Домбыра» Айжамал Бөленова, «Төкші, төкші, домбыра, қоңыр үнді» Гүлжазира Абдолова, «Домбыра» Ақбота Санжар, «Домбыра» Амина, Зарина Бақыткереевалар мәнерлеп оқыды.
Шара соңы ауылдық кітапханашылардың ұйымдастыруымен ұлттық домбыра күніне арналған «Нағыз қазақ домбыра» атты кітап көрмесімен жалғасты.
