Тізеге лимон шырынын жағыңыз
Осыдан біраз уақыт бұрын бір орында сәл отырып тұрсам балтырдан саныма дейін жіңішке бір шаншу қадалып, соның салдарынан тіземді толық жаза алмай, ақсаңдап қала бердім. Тіпті екі минут тізе бүккеннің өзінде қылта тартылып қалатын. Оған қыздыратын мазь жағып, уқалағаннан пайда болмады.
Менің отырып-тұрғаннан кейін ақсаңдап қала беретінімді байқаған бір әріптесім одан жазылудың оп-оңай тәсілін айтты деп жазады «Ауырмаңыз!» газеті. Бастапқыда сенбеген едім, жасап көрген соң тиімділігіне көзім жетіп, алғысымды айттым.
Лимонды жапырақтап турап, соның бір жапырағын кешке ұйқыға жатарда өкшеден бастап балтырдың үстіне дейін уқалай отырып, лимон шырынын сіңдіре жақтым. Бір апта бойы осылай істеп, бір айға созылған азабымнан арылдым. Сөйтсем лимон шырыны қылтадағы тартылып қалған сіңірді жұмсартады екен ғой. Сосын тізенің керіліп-созылуы жақсарады.
Ж.ҚАСЫМ.
«Ауырмаңыз!» газеті.
Ещё видео!