Dünyada koronavirusa yoluxanların sayı 3 milyona yaxınlaşır. İndiyədək bu xəstəliyə görə 200 mindən çox insan həyatını dəyişib. Pandemiyanın daha çox yayıldığı ABŞ-da son 24 saat ərzində 2 minə yaxın şəxs virusdan dünyasını dəyişib. Ölənlər arasında bir Azərbaycan vətəndaşı da var. Nyu-York şəhərində yaşayan, milliyyətcə azərbaycanlı olan Natiq Qasımov neçə həftədir ki, “Coney Island” hospitalında müalicə alırdı.
Amerikada yaşayan sigər soydaşımız – terapevt Ağadadaş Quliyev deyir ki, ölkədəki 50 ştatdan 42-də insanların hərəkətinə məhdudiyyət tətbiq olunub. Bu da artıq öz nəticəsini verməyə başlayıb.
İsraildə isə son sutkada daha 150 nəfər koronavirusa yoluxub. Son sutkada daha bir nəfər pandemiyanın qurbanı olub. Bununla da İsrail üzrə koronavirusdan ölənlərin sayı 199-a, yoluxanların sayı isə 15 298-ə çatıb. Yaranmış vəziyyətə görə İsrailin səhiyyə naziri Yaakov Litzman ciddi tənqidlərlə üzləşdiyindən, vəzifəsindən istefa verib.
Pandemiyanın mənbəyi olan Çində isə vəziyyət yaxşılaşmağa doğru gedir. Son 24 saat ərzində 11 yeni koronavirus infeksiyasına yoluxma faktı qeydə alınıb ki, bunlardan da 5-i xaricdən gələn şəxsdə aşkarlanıb.
