كوردستان
لە رادیوی کوردی بەغدا تومارکراوە و بە سرود دەوتری
ئەی خۆشەویستم مەڵبەندی شێران
كوردستان جێگەی مەردو دلێران
لە رێگەی تۆدا بێ نرخە گیانم
بێ نرخە لە لام ژین و ژیانم
ئەی رازاوەکەی لە جیهانا تاک
خاوەنی لاوی نەبەزو چالاک
خاوەنی ناوچەو هەرێمی جوانی
خاوەنی شاری وەک سلێمانی
خاوەنی زێڕو چیمەنتۆو ئاسن
خاوەنی کێوی هەور لە گەردن
هەتاکو ماوم لە رێگەی تۆدا
تا هێزو تینم بێ لە ئەژنۆدا
ئەکوتم چیای سەخت وهەردانت
دەمێ کوێستان و دەمێ گەرمیانت
تۆڵەت لە دوژمن هەر دەکرێتەوە
دەرگایان لەسەر دائەخرێتەوە
چاوکە لاوانی نەبەزو مەردت
و هاتونەتە سەر چاری دەردت
بەسوپای زانین بە بەختکردن
بەبێ مەترسی، بەهێرش بردن
قەڵای زۆرداری دائەڕوخێنن
لە ناوا رەگ و ریشەی دەردێنن
تاکو ئازادبین، هەرگیز شادمان
بگەین بەژینێ چاکترین ژیان
٦/٥/١٩٥٨
Kurdistan ur Jalal Dabaghs dikt samling Segerns sång
Den spelades in på den kurdiska radion i Bagdad och framfördes som en hymn 1958

свернуть