Lajme Arkiva 2001
Kryetari i Partisë Demokristiane Zef Bushati ka deklaruar sot se nuk i druhet përballjes me deputetin Nikollë Lesi, i cili synon postin e numrit një të demokristianëve. Në një intervistë për Tv Kan zoti Bushati thotë se votëbesimi i kryetarit bëhet nga kongresi, por ai nuk ka ndërmend të thërras një kongres të jashtëzakonshëm.
“Deri tani nuk shoh asnjë përpjekje, nga asnjë degë të Partisë Demokristiane për të thirrur një kongres të jashtëzakonshëm. Sepse nuk ka asnjë lloj motivi, pra të thërrasim një kongres të jashtëzakonshëm për të zgjedhur Nikollë Lesin kryetar të Partisë Demokristiane. Ky është motivi?! Kjo kërkohet nga ana e zotit Lesi”, tha Bushati.
Përsa i përket akuzave të Nikollë Lesit për shpërdorim fondesh, zoti Bushati thotë se Partia Demokristiane nuk ka qenë ndonjëherë në gjendje të mirë financiare. Por sipas tij, deputeti Lesi thekson çështjen e financave pasi mendon që mund të blejë demokristianët për të arritur qëllimet e tij personale.
“Synimet janë të thjeshta dhe të lexueshme. Unë mendoj se nuk janë të moralshme. Nëqoftëse në zgjedhjet e ardhshme ne, të cilat mund të jenë të parakohshme, mund të jenë edhe në kohën e duhur do të kemi një sistem proporcional atëherë në listën proporcionale gjithmonë synohet vendi i parë, vendi i dytë.
Tani për hir të faktit se zoti Lesi ka një televizion, ka një gazetë dhe për hir të faktit se zoti Lesi është deputet, nuk duhet të mendojmë ne, se duhet patjetër tani të vijë në Partinë Demokristiane, të vendoset në krye të kësaj partie, të vendoset në krye të listës proporcionale dhe përsëri të zërë karrigen e deputetit në parlamentin e ardhshëm”, tha Bushati./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
