أول حاجة هنتكلم فيها معاكم النهاردة موضوع خطير جدا نشره موقع ناشيونال انترست الأمريكي لضابط مخابرات متقاعد اسمه بول بيلار بيقولك كلام عكس التوقعات تماما وبيحذر فيه الولايات المتحدة الأمريكية من نتائج تطبيع العلاقات بين المملكة العربية السعودية وإسرائيل .. وبيقولك إن التطبيع ده مش في صالح أمريكا إطلاقا .. طب إيه التفاصيل بالظبط ؟ .
ضابط المخابرات الأمريكي ده كتب مقال في موقع ناشيونال انترست بيقولك فيه إن اللي بيحصل بين السعودية وإسرائيل في موضوع التطبيع ده بيشير إلى إن إدارة الرئيس الأمريكي جو بايدن فقدت الوعي بمصالح الولايات المتحدة ومبقتش عارفه مصالح أمريكا فين بالظبط ومع مين .. لأن الإدارة بتقول إنها عاوزة العلاقات الدبلوماسية ترتقى وتكون كاملة بين البلدين والموضوع ده مش في صالح أمريكا .. لأن إسرائيل والسعودية بيتعاونوا بالفعل على نطاق واسع بما في ذلك في المسائل الأمنية الحساسة .. وبالتالي التطبيع الرسمي الكامل ملوش أي لازمة لأمريكا وهيزود المشاكل ووجع الدماغ أكتر ليها في المنطقة .. يبقى ليه بايدن يكمل في الطريق ده .
الضابط ده بيقولك إن إقامة أي علاقات دبلوماسية سعودية إسرائيلية هتكون ضمن اتفاقيات أبراهام اللي اتعملت قبل كده مع البحرين والمغرب والإمارات .. واعتبرتها وقتها إدارة ترامب إنها بمثابة اتفاقيات سلام .. وزيهم بردو هيحصل نفس الكلام مع السعودية اللي رغم إنها موقعتش الاتفاقيات دي لكنها عندها تعاون أمني كبير مع إسرائيل .. لكن الفرق بقى بين السعودية وأي دولة غيرها إنها أهم دولة عربية ولما تنضم للاتفاق الكلام ده ممكن يعمل مشاكل كبيرة لأمريكا والصراع الفلسطيني الإسرائيلي يشتعل أكتر وأكتر .. وأدينا شايفين المشاكل اللي بتحصل بين الفلسطينين والإسرائليين كل يوم بالرغم من توقيع اتفاقيات إبراهام مع عدد من الدول العربية .. فما بالنا بقى لو السعودية انضمت هى كمان للاتفاقيات بشكل رسمي .
وبيقولك إن السنة اللي فاتت كانت الأكثر دموية للإسرائيليين من سنة 2015 والأكثر دموية بالنسبة للفلسطينيين اللي راح منهم 146 شخص في الضفة الغربية والقدس .. لكن واضح إن المتشددين الإسرائيليين في الحكومة الجديدة بتاعت نتنياهو مش شايفين الكلام ده ومصممين على التطبيع مع السعودية بشكل رسمي وآخرها كانت تصريحات زير المالية الإسرائيلي اللي قال فيها مفيش حاجة اسمها فلسين أو شعب فلسطيني أساسا .. في استفزاز واضح للفلسطينيين .
وعلشان كده بيقولك إن تحسين العلاقات بين تل أبيب والإمارات والبحرين لم يؤدي فقط إلى استمرار وتفاقم الصراع الإسرائيلي الفلسطيني .. لكن كمان أدى إلى استمرار التوترات وزيادة الصراع في الخليج .. لأن إسرائيل بتعتبر علاقاتها مع دول الخليج تحالف عسكري ضد إيران .. وده بيزود الخوف وعدم الاستقرار في المنطقة .. والتوتر الدائم مع إيران ده بيخدم الأغراض الإسرائيلية المتمثلة في إلقاء اللوم على إيران في كل شيء غير مرغوب فيه في الشرق الأوسط وإضعافها وإعاقة أي تقارب بينها وبين الولايات المتحدة وتحويل الانتباه الدولي عن سلوك تل أبيب الخاطئ .. يعني بالبلدي كده إسرائيل استغلت اتفاقيات التطبيع مع الخليج علشان تخوفهم بموضوع إيران ده وإن إيران هى السبب في كل المشاكل وإنها البعبع بتاع المنطقة .. وده بيخلي دول الخليج خايفة دائما من إيران وميبقاش في استقرار وأمن في المنطقة .. وكل ده بيخدم إسرائيل وضد مصالح الولايات المتحدة اللي المفروض تكون عاوزة منطقة الشرق الأوسط هادئة ومستقرة .. ومفيهاش توترات علشان ميحصلش أي تعطيل في أسواق الطاقة العالمية .. أو إن أمريكا تنجر إلى صراع مسلح مع إيران في وقت من الأوقات .. وبدل ما المواضيع تتحل بالدبلوماسية هتتحل بالحرب .
في النقطة دي بردو بيقولك إن الضغط القوي اللي قامت به إدارة ترامب على الدول العربية لرفع مستوى العلاقات مع تل أبيب وخلتها توقع اتفاقيات إبراهام كانت تكلفته أكبر في النهاية .. لأن مثلا دولة زي الإمارات خدت صفقة طيارات مقاتلة من طراز F-35 .. ودي خطوة بتشجع على زيادة سباق التسلح في الخليج .. وبالنسبة للمغرب كانت التكلفة هى التخلي عن الحياد الأمريكي حوالين نزاع الصحراء الغربية ودي خطوة زودت من حدة التوترات بين المغرب والجزائر وعقدت الجهود الدولية لحل النزاع .. ونفس السيناريو هيحصل مع السعودية .
**************************************************************************
يمكنك الانضمام للقناة كاعضو منتسب من خلال الرابط المرفق
[ Ссылка ]...
وشكر خاص من اسرة قناة اسرار تي في لانضمامك
**************************************************************************
لدعم القناة من خلال موقع باي بال
bit.ly/3vm2zS6
**************************************************************************
#ولي_العهد_السعودي
#بايدن
#السعودية

#السيسي #الجيش_المصري #اخبار_مصر#أمريكا #السعودية #الإمارات #قطر #روسيا #روسيا_اوكرانيا #الكويت #البحرين #الرئيس_السيسي #سامري #اخر_الاخبار #الجزيرة #العربية #سكاي_نيوز_عربية #اخبار_عربية #اخبار_العالم #اخبار_اليوم #المملكة_العربية_السعودية #الخليج #سوريا #فلسطين #إثيوبيا #سد_النهضة #مصر #الاقتصاد #المغرب #الجزائر #العراق #الأردن #تركيا #القاهرة #الرياض #أبوظبي #أخبار #الصين #الرياض #لبنان #ليبيا

свернуть