كلمات سعود البابطين
الحان | #سهم
كلمات الأغنية
ظهرتي وابتدا بكره يتسآل يا ترى وش فيك
أكيد اللي حصل هاليوم غير من قدر بكره
وأكيد ان الظواهر ما تكرر ما سألنا ليه
شاهدنا ريم معقوله تهادى العالم بأسره
لبستي تاجك اللي ما تعلى ومنحني لمغليه
على شانك يسمى الحسن ريم ويعتلى قدره
على شانك تغير صفحة التاريخ لا قلتيه
عرفتي ليه طاحت هالكواكب في رجا نظره
مشيتي والقلوب اللي مشت لك تعتليها وجيه
تسآل تبتسم تضحك تهافت لك على فكره
بديتي وانتهوا بعدك كثير وضاع فيه التيه
حكيتي واسكتوا كن الحكي ما ينقبل عذره
حديث الناس صرتي والسوالف والغلا قال ايه
هذيك اللي املكت ليل البياض وصارت السهره
تعالي وافتحي صدر الغرام واكشفي خافيه
يا رقة هالغرام وعفته يا بسمته وطهره
عرفتي ليه لا منك ظهرتي ينتهي التشبيه
وتنبت ما بين خطواتك سنابل عشق وش كثره
عشان الشمس ترجع شمس ويرجع هالقمر عاليه
تأشر ريم ترد الشمس وترقى للسما قمره
![](https://s2.save4k.org/pic/lwL2c96iu54/mqdefault.jpg)