#APATV #dərslik #qarğadili #kitab #məktəb #Təhsilnaziri #EminƏmrullayev #fənn #sinif #alim #Azərbaycan #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
İnsan məktəbə niyə gedir? Təhsil almaq, elm öyrənmək üçün. Elmi necə əldə edir? Kitab oxumaqla. Bəs oxuduğu cümlələrdən heç nə anlamırsa, məktəbə niyə getməlidir?
Bu sadə məntiq illərdir qüvvədədir. Şagirdlər şikayətçidir ki, oxuduqları mövzuları anlaya bilmirlər. Valideynlər isə şikayət edirlər ki, övladlarına yardım etmək istəsələr də, bacarmırlar. Çünki kitabda nə yazıldığını 2-3 dəfə oxusalar da, anlamırlar.
Ekspertlər və müəllimlər də etiraf edirlər ki, dərsliklərin dili sadə Azərbaycan dilindən çox uzaqdır, cümlələr dolaşıq və anlaşılmaz formada qurulur. Buna görə də uşaqlar oxuduqlarından heç nə başa düşmür, üslub yad olduğu üçün mövzuya hakim ola bilmir, məcbur repititor yanına gedirlər. Buna gücü çatmayanların böyük əksəriyyəti isə ya kitabdan uzaqlaşır, ya da potensialından çox-çox aşağı nəticə ilə kifayətlənməli olurlar.
Psixoloqlar da dəsrliklərin dilinin şagirdlərdə sarsıntılara səbəb olduğunu deyirlər.
Psixoloq Fərqanə Mehmanqızı deyir ki, ona müraciət edənlər arasında şagirdlər də var. Onlar etiraf edirlər ki, dərslikləri oxuyub anlamadıqları zaman psixologiyaları pozulur, həmin kitabı bir daha əllərinə götürmək istəmirlər: ”Ağır proqlamla dərs bacarıqlarını qavramağa çalışan şagirdlər, çox zaman bunu bacarmadığı üçün hər hansı bir tavma, asosiallıq və ya fikirlərini izah etməmək kimi problemlərlər üzləşir. Nəticədə özünə qapanmalar başlayır. Sonra onlara izah etmək olmur ki, problem səndə yox, proqramdadır”.
Təhsil eksperti, “Tarix” fənni üzrə bir çox dərsliklərin müəllifi Kamran Əsədovun sözlərinə görə, dərsliklərin hazırlanması zamanı müxtəlif ölkələrin müsbət nəticələr vermiş təcrübələrindən yararlanmaq lazımdır: ”3-4-cü sinifdəki dərsliklərə nəzər saldıqda görürsən ki, onlar məktəbli üçün deyil, informasiya yükü baxımından 20-21 yaşlı şəxslər üçün yazılır. Buna görə də, bir dərslik 2-3 ilə yazılmalıdır. Bunu isə bir müəllif etməli deyil. Hər müəllif ən yaxşı bildiyi mövzunu yazmalı, onların cəmləşməsi nəticəsində bir kitab ərsəyə gəlməlidir”.
Problemlə bağlı Təhsil naziri Emin Əmrullayevin də fikirlərini öyrəndik. Onun sözlərinə görə, dərslikləri sadələşdirmək üçün ictimaiyyətlə müzakirələr aparılmalıdır. Hazırda isə dərsliklərdən başqa, izahedici vəsaitlər də şagirdlərə təqdim olunur. Bu qayda hələ ki, ibtidai siniflərdə tətbiq olunur, amma pilot layihə olaraq gələcəkdə yuxarı siniflər üçün də nəzərdə tutulub: ”Çətin və az işlənən sözlərdən yox daha ümumişlək sözlərdən istifadə etməyə çalışırıq. Amma razıyam ki, dərsliklərdə məzmun əsaslı şəkildə dəyişməlidir. Bu istiqamətdə açıq müzakirələr olunmalıdır. Biz məzmunu dəyişən zaman hansısa fənni aradan çıxarmırıq. Yaxud onu sadələşdirib, bəsitləşdirmirik”.
Bəli, hazırda aşağı sinif şagirdlərinə dərsliklərdən başqa izahedici vəsaitlər də təqdim olunur. Valideynlər və şagirdlər isə vəsaitlərin çoxluğundan, proqramın ağırlığından şikayət edirlər. Bu məqamda isə ritorik suallar yaranır: Doğrudanmı dərsliklər elə yazılmalıdır ki, əlavə izahedici vəsaitə ehtiyac yaransın? Yaxud bu dərsliklərin müəllifləri məktəbdə belə qəliz dillə yazılan mətnləri oxuyub alim ola bilərdilərmi?
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TEKLİFİ ÜÇÜN (Contact) info@apa.tv
