Edhe pse i zhdukur prej një viti, ndaj Ervis Martinajt SPAK ka lëshuar një urdhërarrest të dytë. Martinaj dyshohet për vepra penale të urdhërimit të vrasjeve dhe është në mesin e 15 personave, për të cilët SPAK ka lëshuar urdhërarreste në një operacion të nisur prej orëve të vona të së mërkurës, ku kanë rënë në pranga zyrtarë policie, prokurorë e biznesmenë.
Forca Operacionale në Policinë e Shtetit e ndihmuar nga policia lokale në Kurbin kanë kryer kontrolle në shtëpinë e Erivs Martinajt në Fushë Kuqe. Paraprakisht mësohet se kontrollet janë kryer në kuadër të dosjes që arrestoi biznesmenin Pëllumb Gjoka dhe dy ish-shefat.
Konkretisht ish-shefin e Operacionales Oltion Bistri dhe ish-shefin e krimeve në Shkodër dhe Berat, Ardit Hasanbega. Ende nuk dihet se si lidhet emri i Ervis Martinaj në këtë dosje dhe çfarë është gjetur nga kontrolli në shtëpinë e tij.
Biznesmeni i basteve është zhdukur prej 10 gushtit të vitit të kaluar dhe prej tij ende nuk ka asnjë gjurmë.
Ky është urdhërarresti i dytë për të, pasi më herët SPAK e ka shpallur në kërkim pas dëshmisë së bashkëpunëtorit të drejtësisë, Nuredin Dumani, sipas së cilit Martinaj do ta paguante 500 mijë euro për të vrarë Indrit Doklen.
Vetë Nuredin Dumani ka thënë se ka marrë porosi nga Ervis Martinaj për ta vrarë, ka rënë dakord që ai të jepte për vrasjen e Indritit shumën prej 500 mijë euro dhe se ka marrë paradhënie shumën prej 100 mijë Euro.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#TopChannel
