БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Еліміздегі мектептерде мүмкіндігі шектеулі оқушыларға білім беретін жаңа мамандықтар пайда болады. Яғни ерекше балалармен жұмыс істеу үшін педагогтар арнайы курстардан өтеді. Өйткені бір жыл ішінде мүгедектігі бар балалар саны 15 мыңға көбейген. Оның үстіне қазір білім ұяларының басым бөлігінде ерекше балаларды оқытуға жағдай жасалмағанын Оқу-ағарту министрі Ғани Бейсембаевтың өзі мойындап отыр.
Лариса Өтепова туғанынан неврологиялық дертке шалдыққан 15 жастағы ұлының ел қатарлы білім алғанын қалайды. Келіншек амалдың жоқтығынан мұғалім жалдап, баласын үйде оқытып отыр. Себебі, мектептерде арнайы педагогтар жоқтың қасы дейді.
ЛАРИСА ӨТЕПОВА, Атырау қаласының тұрғыны:
- Кішкене болса да қатарынан кеш дамып келе жатқанымен оқуға деген ынтасы өте жоғары. Түсінігі мол. Орындайды тапсырманы, артық мінез-құлығы жоқ. Өзінің қатарымен неге оқымайды? Қатарымен неге жүре алмайды? Мектепке бару керек қой.
Елімізде мүгедектігі бар ұл-қыздар жыл сайын артып келеді. Мәселен, қазір мүмкіндігі шектеулі балалардың жалпы саны 203 мыңға жеткен. Ал, олар толыққанды білім алу үшін түрлі шаралар қабылданып жатыр дейді Оқу-ағарту министрі Ғани Бейсембаев. Үкімет отырысында ведомство басшысы осы олқылықтың орнын толтыру мақсатында жаңа мамандық қосылатынын жеткізді.
ҒАНИ БЕЙСЕМБАЕВ, ҚР оқу-ағарту министрі:
- Тірек-қимыл аппаратының бұзылыстары бар балалар үшін мектепте “жеке көмекші” лауазымы қарастырылуда. Педагог-кәсіптік стандартына мүмкіндігі шектеулі балалармен жұмыс бойынша жаңа мамандықтар қосылуда. Педагогтардың біліктілігін арттыру жұмыстары тұрақты жүргізілуде. Биыл курстардан 5 мың педагог өтті.
Сондай-ақ, бірнеше өңірде мүмкіндігі шектеулі балаларды оқытатын ұстаздар тапшылығы туындап отыр. Сондықтан алдағы жылдан бастап педагог-ассистенттерді колледждерде даярлау жоспарланған.
-------------------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

свернуть