KƏLBƏCƏR İSTİSU
Kəlbəcər rayonundakı İstisu mineral su bulaqları Allahın insanlara gözəl hədiyyəsidir ( nemətidir).
Kəlbəcər İstisu mineral ehtiyatı Kəlbəcərin qərb hissəsində – silsilə dağ yamaclarındadır. İstisu mineral bulaqları 1138-ci ildə güclü zəlzələ zamanı yerin qabarması, çatlaması nəticəsində əmələ gəlib. İstisu mineralı - amfibol qrupuna aid olan mineraldır. Onun tərkibi belədir:
7,6 (Ca, Na) 0,5 (A1 Fe+3) (Si4O11) 2H2O
Öz kimyəvi tərkibi və fiziki xüsusiyyətlərinə görə, bu sular dünyada məşhur olan Karlovı-Varı bulaqlarının (Çexoslovakiyadadır) eynidir və bəzi xüsusiyyətlərinə görə dünyada yeganədir.
İstisuyun hərarəti 58,8 0C dərəcədir. 1 litr İstisuyun tərkibində minerallar 6,7 qram təşkil edir : litium, brom, yod, mərgümüş, fosfor, sink, mis, nikel, maqnezium, dəmir və s. kimyəvi maddələrlə zəngindir. Bu bulaqlardan biri 8 metrədək hündürlükdə fəvvarə vurur.
İstisu vannası qəbul etməklə mədə-bağırsaq xəstəliyinə, maddələr mübadiləsi pozğun-
luqlarına, sinir sistemi, hərəkət orqanları və ginekoloji, uroloji xəstəliklərə tutulanlar müalicə oluna bilirlər. İstisu mineral bulaqlarının suyundan alınan duzlar xronik qəbizlik, qaraciyər, öd kisəsi, qastrit və s. xəstəliklərin müalicəsi üçün çox faydalıdır.
Aşağı İstisuda çıxan mineral suyun tərkibi Çexoslovakiyadaki Karlovı Varı mineral suyunun tərkibindən keyfiyyətcə çox yüksəkdir.
İstisu mineral suları ilə birlikdə yerin səthinə küllü miqdarda karbon qazı çıxır. Bu qaz suların qablaşdırılması prosesində istifadə olunur.
Rayonda həm də Narzan tipli turşsu bulaqları da vardır.
Bundan başqa Kəlbəcərdə rodonlu sular da vardır. Həmin sular sinir, oynaq, ürək-damarları xəstəlikləri zamanı istifadə olunur.
