Ресейдің Кемеров облысындағы жан түршігерлік оқиға бәрімізге сабақ болуы тиіс. Бүгін қалалық әкімдікте ақтөбеліктер көп шоғырланатын орталықтарда өрт қауіпсіздігін қамтамасыз ету мәселесі қаралды. Қалабасы Ілияс Испанов мектептер, ЖОО, колледждер, сауда үйлері, базарлар, ойын-сауық кешендері басшыларына төтенше жағдай бола қалған жағдайда құтқарушылар жеткенше өздігімен әрекет ету мүмкіндіктерін жетілдіруді тапсырды. Қалада өртену қаупі жоғары 40-тан астам сауда нысаны бар. Оның төртеуі сауда-ойын-сауық кешені, 27-сі сауда үйі, 9-базар. Былтыр осы ғимараттардың 26-сы тексерілген. 16 нысанда 82 заң бұзушылық анықталған. Жауапты тұлғалар әкімшілік жауапкершілікке тартылған. Осы жылы 22 бөлшек сауда ғимараты тексеріледі. Сондай-ақ, 49 мектеп тексеруден өтеді. Кемеровте өртенге ғимарат әуел бастан сауда-ойын-сауық орталығына арналмаған. Қайта жарақтандырылған нысан. Ал біздегі "Керуен" арнайы сауда-ойын сауық орталығы ретінде темір-бетон құрастырмалардан тұрғызылды. Халықты эвакуациялайтын алты шығу жолы бар дейді, орталықтың бас инженері Ринат Масхутов.
Оған қоса, телефон "террористері" бұған дейін "Керуен" сауда-ойын-сауық орталығын 6 мәрте сынақтан өткізді. Ғимаратқа "бомба қойылды" деген жалған ақпарат берілгенде халық кемінде 6 минут ішінде орталықтан тысқа шығып үлгерген. Сонда да орталықтың жай қозғалатын жедел сатысы мен өте жіңішке эскалаторына сын айтылды.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
