Rusia dhe Ukraina thanë se kanë rrëzuar dhjetëra dronë gjatë natës, ndërsa të dyja vendet kryen sulme mbi shënjestrat e njëri-tjetrit, thellë pas vijave të frontit.
Dronët, të mbushur me eksplozivë apo me kamera të avancuara vëzhgimi, janë përdorur në një masë të madhe gjatë luftës dyvjeçare mes Rusisë dhe Ukrainës.
Forcat Ajrore të Ukrainës thanë se Rusia ka lëshuar gjatë natës 37 dronë kamikazë të llojit Shahed, prodhim iranian, dhe tre raketa në territorin ukrainas.
“Si rezultat i operacioneve luftuese, 33 dronë Shahed u rrëzuan në rajonet e Kirovogradit, Odesës, Hersonit, Mikolajivit dhe Harkivit”, thanë Forcat Ajrore përmes një postimi në Telegram. Në anën tjetër, në Moskë, Ministria e Mbrojtjes tha se ka penguar 16 dronë ukrainas në orët e para të së premtes. Afro 15 prej tyre janë shkatërruar mbi rajonin jugor të Volgogradit, që është rajoni më i afërt me vijat e frontit në lindje të Ukrainës, në një distancë prej rreth 300 kilometrash.
Një dron tjetër u rrëzua mbi rajonin kufitar të Belgorodit, tha Ministria ruse e Mbrojtjes. Në Belgorod ka pasur me dhjetëra shpërthime dhe sulme ajrore që kur Rusia nisi pushtimin e Ukrainës në shkurt të vitit 2022. Në rajonin verilindor ukrainas të Harkivit gjatë natës u plagosën pesë persona, përfshirë një fëmijë i moshës trevjeçare nga një sulm ajror rus, tha guveneratri Oleg Synegubov. Ai publikoi fotografi të disa dyqaneve, dritaret e të cilave ishin shkatërruar dhe pamje ku shfaqej një krater në një rrugë ngjitur me një ndërtesë banimi.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Lufta#Droneve
