گەڕانەوەی منداڵان و لاوان لە ئەوروپاوە بۆ کوردستان کارێکی ئاسان نییە، بە تایبەت لە بواری خۆگونجاندن لەگەڵ ژینگەی کۆمەڵایەتی و خوێندندا. بەڵام لە قوتابخانەی (جیهان) نەک هەر ئەو ژینگە لەبارە فەراهەم کراوە کە قوتابیان بتوانن بە ئاسانی خۆیان بگونجێنن، تەنانەت زۆرێک لە قوتابیان پێیان وایە خوێندن لە قوتابخانەی جیهان خۆشتر و سەرنجڕاکێشترە لە قوتابخانەکانی تری ئەوروپا. هەر بۆیە ساڵانە ژمارەیەکی زۆر لە خێزانەکان کە لە ئەوروپاوە دەگەڕێنەوە، قوتابییەکانیان لە جیهان دەست دەکەنەوە بە خوێندن.
