Қойын-қолтық ұрыс түрінен Әлем кубогында қызылордалық спортшылардың қанжығасы майланып, 1 күміс, 2 қола медаль жеңіп алды. Байрақты бәсекеден олжалы оралған спортшыларды бүгін әріптестері мен жақындары темір жол вокзалынан қошеметпен күтіп алды.
Астанадағы дүбірлі додаға 30 мемлекеттің спортшылары қатысқан. Соның ішінде 50 келі салмақта өзін-өзі қорғау түрі бойынша өнер көрсеткен қызылордалық Ақерке Жұмадинова күмісті еншілесе, жұптық жарыста жерлестеріміз Сәния Балтабай мен Аяжан Сәндібекова қоланы қанжығалады. Ал, командалық есепте ұлттық құрама екінші орынға тұрақтады.
НҰРЛАН ЕРЕКЕН – ЖАТТЫҚТЫРУШЫ
//Жарысқа дайындық жақсы болды. Бірінші Қызылордада, содан кейін жақындағанда Астанада дайындалдық. Қазір жас спортшыларымыз жақсы шығып жатыр. Осымен биылға жарыс аяқталды. Қоян-құлтық ұрыс Азия ойындарына енді ғой, енді соған балдарды дайындаймыз//
СӘНИЯ БАЛТАБАЙ – ӘЛЕМ КУБОГЫНЫҢ ҚОЛА ЖҮЛДЕГЕРІ
//Өзбек және моңғол қыздарымен сайыстық оның ішінде моңғол қыздарын жеңіп үшінші орынға ие болдық. Жарыс жақсы өтті. Өз алдына қиындықтары бар. Бұл баспен ойланатын спорт қой. Қай приемнан кейін қай приемды істеймін деп ойланысың. Сырт көзге де әдемі көріну керек. Сәл дайындық аздау болып қалды. Моңғол қыздарын жеңгенімізге қуаныштымыз.
Сайт - [ Ссылка ]
Facebook - [ Ссылка ]
Instagram - [ Ссылка ]
Telegram - [ Ссылка ]
Tiktok -[ Ссылка ]
