Сейсенбідегі Үкімет отырысында Премьер-министр Серік Ахметов әкімдерге табиғи апаттарға, соның ішінде су тасқынына дайындық мәселелерін қатаң бақылауда ұстауды жүктеді. Ал төтенше жағдайлар саласына қомақты қаржы бөлінбекші. Үкімет өз резервін 45 млрд теңгеге көбейтуді көздеп отыр. Бұл қаражат оқыс жағдайға яғни төтенше жағдай орын алғанда төтеп беруге жұмсалады. Ал Қызылорда облысының, Жаңақорған ауданындағы су тасқыны авто тас жолын салушылардың кесірінен орын алғаны мәлім болды. Отырыста Төтенше жағдайлар министрі Владимир Божко осылай деп мәлімдеді. Батыс-Еуропа-Батыс -Қытай тас жолындағы құрылыс жұмыстарының аяқсыз қалуы оңтүстік өңірдің ауылдық мекендерін су астында қалдырды. Айта кетейік, өткен ақпан айының соңында Жаңақорған ауданында күн райының күрт жылуынан және Қаратау тауларындағы қар көшкінінен 40 үй су астында қалғанды. Бұл оқиғаның орын алуына адами фактор да себеп болып отыр енді.
