وفجأة (سيا) بتظهر حواليه هالة من الطاقة وجناحات كبيرة جدا في اللحظة اللي كان هيلمس فيها الارض، ومرة واحدة جناحاته دي بتضرب الارض وبترمي (كاسيوس) بعيد،
وكان وقتها واحد بين الجمهور بيتفرج علي (سيا) ومبسوط.
ولما بيكمل قتاله مع (كاسيوس) ويوقعه علي الارض تاني، بيهرب من المكان.
وعلي ما بيدخل اوضة اللبس ياخد شنطته بسرعة، بيلاقي الشخص الغامش اللي كان بيراقبه من الاول بيقوله ييجي معاه بره عشان فيه واحد عاوز يقابله.
و(سيا) مش بيرضي انه يروح معاه غير بعد ما الراجل بيقوله انهم عارفين باللي بيدور عليه وهيساعجوه، قصده علي اخته (باتريشا) يعني.
(كاسيوس) بقي بيكلم واحد في التليفون وبيقول انه لقي واحد من مقاتلين الكوزوس اللي بيدور عليهم، اللى عندهم قوة النجوم.
و(سيا) بيقابل (ألمانكيدو) بره وبيتفاجئ بيه بيقوله انه لازم يمشي معاه قبل ما رجالة (جيوريد) يقبضو عليه.
وبنعرف ان (جيوريد) دي تبقي طليقة (المانكيدو) وبتتحكم في جيش من الخارقين وبقالها سنين بتدور وتجمع الاطفال اللي بيتمتعو بقوة النجوم زي (سيا).
و(سيا) مكنش قدامه اختيار غير انه يهرب مع (المانكيدو)، والحارس بتاعه بيحاول انه يعطل رجالة (جيوريد)، بس مش بيقدر لانهم كانو اقويا جدااااا وواحد منهم بيخبطه خبطة واحدة يوقعه جثة علي الارض. وبيطاردو (سيا) و(المانكيدو).
في الوقت ده كان (مايلوك) حارس (المانكيدو) مستنيهم عند العربية ومعاه السلاح وبيبدأ انه يغطيهم ويضرب نار علي رجالة (جيوريد)، بس بنتفاجئ انهم منيعين ضد الرصاص. ده حتي واحد منهم بياخد رصاصتين في وشه ومش بيتأثر وبيكمل مطاردتهم.
وساعتها كانو التلاتة ركبو العربية و(مايلوك) بيسوق العربية بضرها بأقصي سرعة عشان يهرب منهم،
“Knights Of The Zodiac”
