#BirBax #prostat #prostatit
Bu gün sizə Prostat vəzi üçün təhlükəli olan 6 qida barədə məlumat verəcəm. Bəli, düz eşitdiniz. Yediyiniz bəzi qidalar bədəninizdə prostat vəzinin böyüməsinə səbəb olan hormonların ifrazatını artırır. Nəticədə prostat vəzi problemləri baş qaldırır. Bu gün sizə həmin təhlükəli 6 qida barədə məlumat verəcəm.

Bəzi hormonların miqdarı bədəndə artdığı zaman prostat vəzi böyüməyə başlayır. Həmin hormonlar bunlardır:

-estrogen;

-insulin;

-dehidrotestosteron;

Təəssüf ki, bəzi qidalar prostat vəzinin böyüməsinə səbəb olan hormonların ifrazatını artırır. Nəticədə, prostatit prostat iltihabı) və prostat vəzi xərçəngi riski də çoxalır.

Əgər prostat vəzinizdə böyümə varsa, yaxşı olar ki, rasionunuzdan bəzi qidaları çıxarasınız. Həmin 6 qida bunlardır:

Süd məhsulları. “Amerikan klinik qidalanma dərgisi”nin (“The American Journal of Clinic Nutrition”) 2018-ci ildə apardığı bir elmi araşdırmanın nəticəsini sizə təqdim edəcəm. Məlum olub ki, süd məhsullarının intensiv qəbulu kəskin prostat vəzi xərçəngi ilə birbaşa əlaqəlidir. Sidiyə getməyi çətinləşdirəcək qədər böyümüş prostatınız varsa, rasionunuzdan xüsusilə inək südündən hazırlanmış məhsulları çıxarın. Kərə yağı, pendir, süd, qatıq məhsullarının qəbulunu azaldın. Və çalışın ki, yedikləriniz qoyun, camış, keçi südündən hazırlanmış olsun. 1-2 həftə boyunca süd məhsulları qəbul etməsəniz, prostatın böyümə sürəti azalacaq və siz günbəgün daha rahat şəkildə sidiyə getdiyinizin fərqinə varacaqsınız.

Bitki yağları. Əslində müasir dünyada bitki mənşəli yağlar daha çox işlənir. Soya, qarğıdalı, pambıq toxumu, raps, günəbaxan yağları mətbəximizə gəlib çatanadək böyük ölçüdə emala məruz qalırlar. Xüsusilə GMO-lardan (Genetik Modifikasiya olunmuş Orqanizm) hazırlanan yağlar prostat vəzi üçün heç uyğun deyil. Fast-foodların əksəriyyəti bitki yağları ilə hazırlanır. Qızardılmış ətlər yağı canına çəkməkdə mahirdir. Marketdən alınan salat souslarında, kofe kremlərində, marqarinlərdə də bitki yağı var. Bitki yağları, xüsusilə, GMO-lardan hazırlanan yağlar qaraciyərdə və prostat vəzində iltihablanmaya səbəb olur. Çünki bitki yağları Omega-6 yağ turşuları ilə zəngindir. Burda bir şeyi xüsusi vurğulamaq istəyirəm: Omega-6 yağ turşuları nə qədər zərərlidirsə, Omega-3 yağ turşuları o qədər faydalıdır. Qaraciyəriniz hormonları balanslaşdırmaqda, yəni bədənin ehtiyacı olmayan artıq hormonları filtrləməkdə ustalaşıb. Rafinə edilmiş yağları qəbul edərək qaraciyərinizi yorduğunuzda estrogen və insulin kimi hormonlar orqanizmdə yığılmağa başlayır. Nəticədə, prostat vəzinin böyüməsinə səbəb olurlar. Zamanla sidik kisəsinin divarları həssaslığını itirir ki, sonra nələr baş verir, bilirsiniz. Ən yaxşısı, təbii, təmiz, keyfiyyətli zeytun yağı qəbul etməkdir. Bundan əlavə, təbii üsullarla əldə edilmiş avokado yağı və ya kokos yağı ilə də yeməklərinizi bişirə bilərsiniz.

Şəkər və nişasta. Tərkibində şəkər və nişasta olan məhsullardan da uzaq durmaq məsləhətdir. Məsələn:
-şəkər;
-un;
-taxıl;

Şəkər və ya nişasta ilə zəngin qidaları qəbul etdikdə, orqanizmdə onlar sürətlə qlükozaya çevrilir. Bir oturuma bol miqdarda şirin nəsə yesəniz, hüceyrələriniz daha çox zərər çəkir. Bunun qarşısını almaq üçün orqanizm hərəkətə keçir: artıq şəkəri yanacağa çevirməyə cəhd edir. Proses insulinin köməyilə həyata keçirildiyindən bu hormonun istehsalı artır. Bayaq da dediyim kimi, insulin çoxluğu prostata zərər vurur. Buna görə də, çalışın, bir-birilə əlaqəli məqamları nəzarətdə saxlayın. Çox yeyilən şəkər artıq insulin ifrazı deməkdir. Bu da pankreasın yorulmasına gətirib çıxarır.

Fermentləşdirilməmiş soya yağı. Soya yağı iltihab əmələ gətirmə xüsusiyyətinə malikdir. Buna çox diqqət etməliyik. Ayrıca, qidalara əlavə edilən ucuz soya proteinlərinin də fərqinə varmaq önəmlidir. Bu məhsullar müxtəlif qidalara “soya proteini izolatı” kimi əlavə edilir. Hazır qidaları qəbul edərkən içində soya proteini olub-olmadığına baxın. Məsələn; veqan kotletlərində, protein çubuqlarında, bəzən uşaq qidalarında belə, soya proteini izolatına rast gəlinir. Məhsul orqanizmdə prostat vəzinin böyüməsinə və ya aşağı sidik yollarının simptomları ( LUTS – Lower urinary Tract Symptoms) kimi problemlərə yol aça bilir. Üstəlik, estrogen səviyyəsini yüksəldir.

Alkoqol. Alkoqol istehlakı hepatositlərə (qaraciyər hüceyrələrinə) zərər verərək estrogen və insulin səviyyələrinin yüksəlməsinə səbəb olur. Nəticədə, hormonal balans pozulur. Anabolik hormonların artıqlığı prostat vəzinin böyüməsinə gətirib çıxarır, qan təzyiqinin yüksəlməsinə, dolayısı ilə, damarların zəifləməsinə səbəb olur. Pivə sevənsinizsə, vəziyyət daha pisdir. Çünki pivə orqanizmdə estrogen istehsalını artırır. Axşamlar rahatlamaq üçün alkoqollu içki əvəzinə kombuça çayı qəbul etsəniz, daha yaxşı olar. Bu fermentləşdirilmiş içki bağırsaqları toksinlərdən təmizləyir. Bundan əlavə, öd suyu istehsalını artırır ki, nəticədə, qaraciyər də təmizlənmiş olur.

свернуть