الى عدّو الصحبان جمّاعة الصحبآن
وكلن تذكّر محزمه سساعة الششده
تذكرت قرمٍ ينعتونه بـ ابن ضبعآن
رفيقي على الشدّات لا خليْت العده
حفيد الشجاع معرّب الخال و العمّآن
راع العزوة اللي تقهر الخصم وتضده
نهار ارتكا يوم الحكومه تبي هضبان
على الكنور اللي كايد العرق ما رده
من ال جابر اللي لارتفع فالسما دخان
ياكم شيخ قومٍ فاللقى ترّبو خده
اهل هية الوجاج في ماضيّ الازمان
وهية قدام ويرسخ القاف في عده
وقلته وانا ربعي يسمون بالخُضران
ملاذ الدريك اللي قسا وقته يحده
الا من زبنّا مجرمٍ زان وضعه زان
ويمشي على مايشتهي وين ما ودّه
كلمآت / عبدالله الدوسري
