1-dekabr kuni Ko'rfaz Hamkorlik Kengashining Quvayt mezbonlik qilgan 45-sammitida arab mamlakatlari mintaqadagi vaziyatni muhokama qildi. A'zo mamlakatlar mintaqada muqim tinchlikka erishish uchun Falastinga mustaqil davlat maqomini berishni, Sharqiy Quddusni Falastin poytaxtiga aylantirishni, Falastinning 1967-yilgi chegaralarini tiklab Isroil egallab olgan hududlarni qaytarishni, falastinlik qochqinlarning o'z vataniga qaytishiga imkon yaratishni, G'azoda urushni to'xtatish uchun xalqaro hamjamiyat aralashuvini, sektorda va Livanda gumanitar vaziyatni yaxshilash va qayta qurish uchun yordam qo'lini cho'zishni bir ovozdan yoqlab Quvayt deklaratsiyasini imzoladi.
