ابوح لك بالسر والا اخبيه
داخل حنايا قلب محتاج ردك

اخاف لو يكشف شعوره تخليه
ينزف ندم من جور طعنات صدك

قلبي يحبك يعشقك كل مافيه
يهواك نبضي والمشاعر تودك

فجري غرامك يبتدي فيك طاريه
وليلي هيامك ينتهي الليل عندك

محيط اشواقي واجمل شواطيه
هويت امواجك بجزرك ومدك

فدروب حبك حط قلبي خطاويه
لا حب حد قبلك ولا حد بعدك

زين الوصايف كامل الحسن يحويه
بين الخلايق مارات عين ندك

اجمل حروف الشعر اعذب معانيه
كلها لحسنك تنحني مين قدك

اللي يحاول يوصفك في قوافيه
تذوب القوافي عادها بوصف خدك

ومغليك شاعر صرت تسكن لياليه
تعده الايام وحرفه يعدك

برغم كثر اللي يحبه ويغليه
الكون كفه وانت كفه لوحدك

ولهان هايم فيك قربك يسليه
يذبح خفوقه لو وقف يوم ضدك

القلب ميت من زمن ليت تحييه
بالقرب عجل حط يدي بيدك

تعبت اداري لوعت الشوق ياهيه
تتقلب اشواقي علي جمر بعدك

جديد 2022
محيط اشواقي

كلمات الشاعر :
سعيد ال صمع

الحان وغناء الفنان :
ماجد العنسي

توزيع الحشاش
محمد المطري

عود الفنان
محمد غازي

تسجيلات استديو يحيى العليي

حبايب قلبي لا تنسو الاشتراك بلقناه والضغط ع زر الجرس ليصلكم كل جديد

свернуть