Алматылық әйел қызымды 11 жасынан бері зорлаған туған әкесі жауаптан құтылып кете ме деп қорқып отыр. Себебі, осыған дейін ашылған істі тергеушілер тоқтатып тастаған дейді. 20 жыл отасқан жолдасынан мұндайды күтпеген азаматша, сұмдық жағдай бір емес, бірнеше рет қайталанғанын айтып отыр. Осыған дейін ұрып-соққан күдікті енді қос балапаныма зиянын тигізе ме деп алаңдаулы.
Көңілі бір күнде алай-дүлей болған ананың жүрегінде қазір жазылмастай жара қалған. Карантин кезінде өзі тіршілік жасап, күнкөрістің қамына кіріскен әйел күйеуінің 9 ай бойы үйінде қыздарымен қалғанын айтады. Әуел баста әке мен қыздың арасындағы кикілжіңдердің төркінін түсінбегендіктен қатты мән бермеген. Кейін шыдамаған қыз білім ордасындағы ұстазы мен психологқа айтыпты.
Алғашқы жолдасынан ажырасып, екінші күйеуімен 20 жылға жуық уақыт отасқан екен. Екі қыз бір ұл тәрбиелеп отырғанбыз деген әйел, үлкен қызына да туған әкесінің қолы тиген деп отыр. Бірақ, осыған дейін жазылған арызды тәртіп сақшылары дәлелсіз деп, маусым айының соңында тоқтатқанын жеткізді. Ал, күдікті азаматтың қорғаушысы әзірге нақты ештеңені кесіп айта алмаймын дейді.
ЕРЛАН АХМАДИЕВ, күдікті азаматтың қорғаушысы:
– Оны дәлелдейтін тергеу органдары дәлелдеуі керек. Ал бірақ қолдағы бар материалдар, экспертиза бойынша ешқандай дәлелді тапқан жоқ. Прокурор 10 күнде сол қаулыны тергеушінің заңды, заңды емес екенін тексеріп істі, одан кейін не соны құптау керек не қайтадан қайтаруы керек.
Ал, бала құқығын бірнеше жылдан бері қорғап жүрген заңгер Кәмшат Есмұхамбетқызы заңды күшейтіп, тіпті ату жазасын да енгізуді қолдайтынын жеткізді. Бейкүнә балалардың өмірін күл-талқан еткендердің арасында ортаға бейімделе алмай өзге балаларға қорлық көрсететіндердің көп екенін айтады. Бұдан бөлек құқық қорғау органдарының педофильдерді бостандыққа шыққаннан кейін бақылауда ұстамауы да бірден бір фактор деп отыр.
КӘМШАТ ЕСМҰХАМБЕТҚЫЗЫ, заңгер:
– Оларға ату жазасы берілу керек деп өзім ойлаймын. Себебі, ол бірінші әрекетінен ешқандай сабақ алған жоқ. Ешқандай қоғамға бейімделген жоқ. Және біз айтамыз, ауқымды түрде айтылуы керек. Мына педофильдер бостандыққа шығып жатыр. Оларды бақылап отырған бізде бірден бір құқық қорғау органы жоқ.
Ал, Алматы қаласының полиция департаменті Алатау аудандық полиция басқармасы істі екі бірдей бап бойынша тіркегенін айтады. Қылмыстық кодекстің 120-бабының 4 бөлігі, яғни бірнеше рет зорлау фактісі бойынша және 124-бабтың 2 бөлігі, ата-анасы азғындық жолға түсіру бойынша тергеу жүріп жатыр дейді. Ал екі балапанының қорланғанын білген ана енді істің әділ өтуін сұрап отыр.
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
