Hello,
Respected Viewer,
🌟 Join the world of soulful Urdu poetry! 📜✨ Subscribe, like, and share our YouTube channel dedicated to the beauty of words and emotions. Let's spread the magic of poetry together.
Your support means the world to us! 💌🎉

اسلام علیکم،
محترم/ محترمہ
🌟 روح پرور اردو شاعری کی دنیا میں شامل ہوں!
📜✨ الفاظ اور جذبات کی خوبصورتی سے سرشار ہمارے یوٹیوب چینل کو سبسکرائب کریں، لائک کریں اور شیئر کریں۔ آئیں مل کر شاعری کا جادو بکھیریں۔ آپ کی حمایت کا مطلب ہمارے لیے دنیا ہے! 💌🎉

Beautiful Ghazal of Ibne Insha

Is Basti Ke Ek Kuche Mein

Recitation by Fahim Ahmed

#shayari #urdupoetry #ibneinsha #love #sadshayari #bazmerekhta #bazmerekhta

Is Basti Ke Ek Kuche Mein
IBN E INSHA

is bastī ke ik kūche meñ ik 'inshā' naam kā dīvānā
ik naar pe jaan ko haar gayā mash.hūr hai us kā afsānā
us naar meñ aisā ruup na thā jis ruup se din kī dhuup dabe
is shahr meñ kyā kyā gorī hai mahtāb-ruḳhe gulnār-labe
kuchh baat thī us kī bātoñ meñ kuchh bhed the us kī chitvan meñ
vahī bhed ki jot jagāte haiñ kisī chāhne vaale ke man meñ
use apnā banāne kī dhun meñ huā aap hī aap se begāna
is bastī ke ik kūche meñ ik 'inshā' naam kā dīvānā
nā chanchal khel javānī ke nā pyaar kī alhaḌ ghāteñ thiiñ
bas raah meñ un kā milnā thā yā phone pe un kī bāteñ thiiñ
is ishq pe ham bhī hañste the be-hāsil sā be-hāsil thā
ik zor bipharte sāgar meñ nā kashtī thī nā sāhil thā
jo baat thī in ke jī meñ thī jo bhed thā yaksar an-jānā
is bastī ke ik kūche meñ ik 'inshā' naam kā dīvānā
ik roz magar barkhā-rut meñ vo bhādoñ thī yā sāvan thā
dīvār pe biich samundar ke ye dekhne vāloñ ne dekhā
mastāna haath meñ haath diye ye ek kagar par baiThe the
yuuñ shaam huī phir raat huī jab sailānī ghar lauT ga.e
kyā raat thī vo jī chāhtā hai us raat pe likkheñ afsānā
is bastī ke ik kūche meñ ik 'inshā' naam kā dīvānā
haañ umr kā saath nibhāne ke the ahd bahut paimān bahut
vo jin pe bharosa karne meñ kuchh suud nahīñ nuqsān bahut
vo naar ye kah kar duur huī 'majbūrī sājan majbūrī'
ye vahshat se ranjūr hue aur rañjūrī sī rañjūrī?
us roz hameñ ma.alūm huā us shaḳhs kā mushkil samjhānā
is bastī ke ik kūche meñ ik 'inshā' naam kā dīvānā
go aag se chhātī jaltī thī go aañkh se dariyā bahtā thā
har ek se dukh nahīñ kahtā thā chup rahtā thā ġham sahtā thā
nādān haiñ vo jo chheḌte haiñ is aalam meñ nā-dānoñ ko
us shaḳhs se ek javāb milā sab apnoñ ko begānoñ ko
'kuchh aur kaho to suntā huuñ is baab meñ kuchh mat farmānā'
is bastī ke ik kūche meñ ik 'inshā' naam kā dīvānā

اس بستی کے اک کوچے میں
ابن انشا

اس بستی کے اک کوچے میں اک انشاؔ نام کا دیوانا
اک نار پہ جان کو ہار گیا مشہور ہے اس کا افسانا
اس نار میں ایسا روپ نہ تھا جس روپ سے دن کی دھوپ دبے
اس شہر میں کیا کیا گوری ہے مہتاب رخے گلنار لبے
کچھ بات تھی اس کی باتوں میں کچھ بھید تھے اس کی چتون میں
وہی بھید کہ جوت جگاتے ہیں کسی چاہنے والے کے من میں
اسے اپنا بنانے کی دھن میں ہوا آپ ہی آپ سے بیگانہ
اس بستی کے اک کوچے میں اک انشاؔ نام کا دیوانا
نا چنچل کھیل جوانی کے نا پیار کی الھڑ گھاتیں تھیں
بس راہ میں ان کا ملنا تھا یا فون پہ ان کی باتیں تھیں
اس عشق پہ ہم بھی ہنستے تھے بے حاصل سا بے حاصل تھا
اک زور بپھرتے ساگر میں نا کشتی تھی نا ساحل تھا
جو بات تھی ان کے جی میں تھی جو بھید تھا یکسر انجانا
اس بستی کے اک کوچے میں اک انشاؔ نام کا دیوانا
اک روز مگر برکھا رت میں وہ بھادوں تھی یا ساون تھا
دیوار پہ بیچ سمندر کے یہ دیکھنے والوں نے دیکھا
مستانہ ہاتھ میں ہاتھ دیئے یہ ایک کگر پر بیٹھے تھے
یوں شام ہوئی پھر رات ہوئی جب سیلانی گھر لوٹ گئے
کیا رات تھی وہ جی چاہتا ہے اس رات پہ لکھیں افسانا
اس بستی کے اک کوچے میں اک انشاؔ نام کا دیوانا
ہاں عمر کا ساتھ نبھانے کے تھے عہد بہت پیمان بہت
وہ جن پہ بھروسہ کرنے میں کچھ سود نہیں نقصان بہت
وہ نار یہ کہہ کر دور ہوئی 'مجبوری ساجن مجبوری'
یہ وحشت سے رنجور ہوئے اور رنجوری سی رنجوری؟
اس روز ہمیں معلوم ہوا اس شخص کا مشکل سمجھانا
اس بستی کے اک کوچے میں اک انشاؔ نام کا دیوانا
گو آگ سے چھاتی جلتی تھی گو آنکھ سے دریا بہتا تھا
ہر ایک سے دکھ نہیں کہتا تھا چپ رہتا تھا غم سہتا تھا
نادان ہیں وہ جو چھیڑتے ہیں اس عالم میں نادانوں کو
اس شخص سے ایک جواب ملا سب اپنوں کو بیگانوں کو
'کچھ اور کہو تو سنتا ہوں اس باب میں کچھ مت فرمانا'
اس بستی کے اک کوچے میں اک انشاؔ نام کا دیوانا
اب آگے کا تحقیق نہیں گو سننے کو ہم سنتے تھے
اس نار کی جو جو باتیں تھیں اس نار کے جو جو قصے تھے
اک شام جو اس کو بلوایا کچھ سمجھایا بیچارے نے
اس رات یہ قصہ پاک کیا کچھ کھا ہی لیا دکھیارے نے
کیا بات ہوئی کس طور ہوئی اخبار سے لوگوں نے جانا
اس بستی کے اک کوچے میں اک انشا نام کا دیوانا
ہر بات کی کھوج تو ٹھیک نہیں تم ہم کو کہانی کہنے دو
اس نار کا نام مقام ہے کیا اس بات پہ پردا رہنے دو
ہم سے بھی تو سودا ممکن ہے تم سے بھی جفا ہو سکتی ہے
یہ اپنا بیاں ہو سکتا ہے یہ اپنی کتھا ہو ہو سکتی ہے
وہ نار بھی آخر پچھتائی کس کام کا ایسا پچھتانا؟
اس بستی کے اک کوچے میں اک انشاؔ نام کا دیوانا

свернуть