#BirBax #şəkər #diabet #ДИАБЕТ #Неумывакин #Neumyvakin
aimi yorğunluqdan əziyyət çəkirsiniz? Tez-tez susuzluq hiss edirsiniz? Və ya qəfil arıqlayırsınız? Bunlar şəkər xəstəliyinin əlaməti ola bilər. Bəli, Qanda şəkərin miqdarının yüksək olması bu gün insanların çoxunun rastlaşdığı problemdir. Amma ümidsizliyə qapılmayın. Bu gün təkcə diabetin ilk əlamətlərindən deyil, həm də, şəkər səviyyəsinə nəzarət etməyin yollarından, köməyinizə çatacaq təbii üsullardan danışacağam. Videoya sonadək baxsanız, məşhur alim Neumıvakinin şəkəri azaltmaq üçün tövsiyələrini də eşidəcəksiniz. Və əminəm ki, bu eşitdiklərinizdən sonra bizə çox sağ olun deyəcəksiz.
Yediyimiz bütün qidaları nəzərə alsaq, insan gündə orta hesabla 30 çay qaşığı şəkər qəbul etməsi təhlükəli deyil. Çünki bədənimizdəki insulinin tənzimləməsi sayəsində qan şəkərinin səviyyəsi sabit qalır. Ancaq karbohidrat qəbulu artdıqca mədəaltı vəzinin istehsal etdiyi insulinin də miqdarı çoxalır. Nəticədə, bədən insulini toksin hesab edir və onun təsirinə qarşı dirənməyə başlayır. Məhz bu vəziyyət “insulin müqaviməti” adlanır. İnsanların 99%-i orqanizmlərində insulin müqaviməti olduğunu ağıllarına belə gətirmirlər. Ta ki, şəkər xəstəliyi qapını döyənə kimi.
Bəs insulin dirəncimizin olduğunu necə bilək? İndi sadalayacağım əlamətlərə diqqət edin
Qarında şişkinlik;
Tez-tez sidiyə getmək;
Yaddaş problemləri;
Daimi aclıq;
Karbohidrat yemək həvəsi;
Yeməkdən sonra yorğunluq;
Qol və ayaqlarda uyuşmalar;
Bu vəziyyət vaxtında nəzarətə götürülməsə və müalicə aparılmasa, növbəti 10-15 ildə mədəaltı vəzi lazımi qədər insulin istehsal edə bilməyəcək. Nəticədə, qanda şəkərin yüksəlməsinə, diabetin inkişafına səbəb olacaq. Ancaq xəstəlik inkişaf etmədən və əsas simptomlar görünməzdən əvvəl də bəzi problemlər yarana bilər. İndi sizə bu problemlərin nə olduğunu deyəcəyəm.
Dəri problemləri. Dərinin vəziyyəti bədənin daxili problemləri, xüsusən də, qanda qlükoza və ya insulinin səviyyəsinin yüksək olması haqqında çox şey deyə bilər. Məsələn; müəyyən nahiyələrdə dərinin qaralması. Bu, insulin müqavimətinin əlamətidir. Papillomalar həddindən artıq insulin səbəbiylə meydana gələ bilən xoşxassəli şişlərdir. Rəqəmsal skleroz (digital sclerosis) deyilən bir vəziyyət də var. Dərinin qalınlaşmasına və kobudlaşmasına səbəb olur. Sızanaqlar, xüsusilə, polikistik yumurtalıq sindromu olan qadınlarda insulin səviyyəsinin artması ilə əlaqələndirilir.
Yüksək qan şəkəri immuniteti zəiflədə bilər. Bu da müxtəlif infeksiyaların başlaması və inkişafı riskini artırır.
Gördüyünüz kimi, qanda şəkərin səviyyəsinə nəzarət etmək olduqca həyati əhəmiyyətə malikdir. Lakin yanlış inanclar, miflər bu nəzarəti düzgün şəkildə yerinə yetirmək imkanı vermir. Diabetlə mübarizə aparmağa mane olan səhv inanclara əməl etdikcə, qanda şəkərin səviyyəsini tənzimləyə bilməyəcəksiniz.
İndi sizə bu cür miflərdən bəhs edəcəyəm:
Qarabaşaq yarması haqqında mif. Bir çoxları qarabaşaq yarmasının şəkəri azaltmağa kömək etdiyinə inanırlar. Əslində, qarabaşaq yarması asta həzm olunan karbohidratdır və digər dənli bitkilər kimi şəkər səviyyənizi artıra bilər. Şəkəri effektiv şəkildə azaltmaq üçün rasionunuzda keyfiyyətli proteinin, az karbohidratlı tərəvəzlərin və sağlam yağların miqdarını artırmalısınız. Qarabaşaq yarması isə istehlakı minimuma endirilən karbohidratlar siyahısındadır;
Oruc tutmaq mifi. Bəziləri orucun şəkəri azaltmaq üçün faydalı ola biləcəyinə inanırlar. Oruc zamanı qaraciyər aktiv şəkildə qlikogen ifraz etməyə başlayır ki, bu da şəkər səviyyəsinin kəskin artmasına səbəb olur;
Yağlar haqqında mif. İnsanların əksəriyyəti yağları zərərli hesab edirlər. Amma bütün yağlar eyni deyil. Kərə yağı və heyvan mənşəli yağlar həddindən artıq istehlak edildikdə xolesterinin səviyyəsi yüksəlir. Zeytun yağı və ya sidr yağı kimi bitki mənşəli yağlar sağlamlıq üçün faydalıdır, üstəlik, xolesterinə təsir etmir. Omeqa-3 ilə zəngin olan balıq yağı xolesterini aşağı salmağa və qan damarlarını gücləndirməyə kömək etməklə yanaşı, iltihab əleyhinə xüsusiyyətlərə malikdir. Qanda şəkərin səviyyəsini stabil saxlamaq üçün karbohidratları məhdudlaşdırmalı və sağlam yağlara, xüsusilə də, bitki yağlarına, balıq yağlarına üstünlük verməlisiniz;
Bəs nə edək? şəkərə qarşı olan dərmanlarmı qəbul edək? İndi bir az Diabet dərmanlarından danışım… Diabet dərmanları bu gün hər yerdədirlər və təəssüf ki, çoxlarımız artıq onların adlarını belə, əzbərləmişik. Həkimlər diabetin müalicəsi üçün çoxlu dərmanlar təyin edirlər. Hərçənd, bir qrup dərman var ki, iştaha nəzarət edən reseptorlara mənfi təsir edirlər. İnsan az yemək istəyir, nəticədə, çəki itirir. Əslində, diabet dərmanlarının əksəriyyətinin əsas vəzifəsi normal şəkər səviyyəsini saxlamaq və bədənin insulinə qarşı müqavimətini azaltmaqdır. Demək olar ki, bütün bu cür dərmanların effektivliyi sübut edilmiş bir faktdır.
