Елімізде күннен күнге құрылыс материалдарының бағасы аспандап барады. Көктем кезінде отандастарымыз арматура, бетон, жылыту жабындылары бір-ақ күнде 30 пайызға қымбаттады деп ашуланған еді. Сәл кейін бір жыл бұрын 4500-5000 теңгеден саудаланған жалпақ темір беттің бағасы 12 мың теңгеге бір-ақ жетті. Бұл қымбатшылық тұрғын үй бағасының да өсуіне тікелей есер етті. Сөйтіп қазір пәтер құны 20-30 пайызға көтерілді. Ал сала мамандары тұрғын үйлер келесі жылы да қымбаттай береді дейді. Себебі Қазақстанда ішкі қажеттілікті өтейтін құрылыс материалдары жоқ екен.
Елдің құрылыс маусымы аяқталған сәтте баға түседі деген үміті ақталмайтын секілді. Себебі базарлардағы құрылыс материалдарының құны сол қалпында тұр. Тіпті кейбірінің бағасы тағы өсіпті. Мәселен, небәрі бес-ақ ай бұрын 9 мыңнан саудаланған жалпақ темірбеттер 12 мыңға жеткен. Ал бұл материал былтыр 4500 теңгеден еді. Содан болар, базарда сауда жасап жүрген тұрғындардың да қарасы аз. Саудагерлер жалға алған орнымызды ақтап, азыққа ақша тапсақ та жеткілікті деп отыр.
Саудагер Темірәлі Серкебаев арматура, жалпақ темірбеттерді көбіне Қарағанды, Шымкент қалаларынан және Ресейден әкелеміз деді. Айтуынша, көрші елден жеткізілетіндері отандық өнімнен кемінде 500 теңгеге қымбат болады екен. Есесіне, сапалы әрі, сұраныс та бар дейді.
ТЕМІРӘЛІ СЕРКЕБАЕВ, саудагер:
– Грубо 400-500 теңге ғой разница Қазақстандікімен.
– Арғысы.
– Ол 4000 теңге. Мынау двойка толщина. Мынау тройка толщина 5400 теңге.
Ал құрылыс одағының төрағасы Ералы Сауранбаев материал бағасы ішкі қажеттілікті өтей алмағандықтан өсті дейді. Айтуынша, қазір Қазақстанда пәтер алуға ниетті азаматтар көп. Бірақ тұрғын үй жетіспейді. Ал оны соғу үшін құрылыс материалдары қажет. Сондықтан, құрылыс компаниялары қажетті материалды шет елдерден тасуға мәжбүр. Мысал үшін бір жыл бұрын арматураның тоннасы 180 мың болса, қазір 450 мың теңге. Ал бетонның текшесі 17 мыңнан 25 мыңға жетіпті. Тиісінше, бұл пәтер құнының өсуіне тікелей әсерін тигізіп жатыр екен.
ЕРАЛЫ САУРАНБАЕВ, Қазақстан құрылыс саласы одағының төрағасы:
– Қымбат пәтерлер өсті 20 пайызға. Ал былай қымбат емес пәтерлер 30 немесе 40 негізі пайызға өсті.
Ералы Болатұлы бүгінде құрылысқа қаржыландыру жетіспей жатыр деді. Айтуынша, Үкімет биылдан бастап соғылып жатқан тұрғын үйлерге ипотека рәсімдеуді шектеген. Ал құрылыс компанияларының жеке капиталы аз. Бірақ олар енді қосымша құрылыс жүргізетін жерді өздері тауып, инженерлік инфрақұрылымды тартуы қажет. Сол үшін де пәтер құны алдағы уақыттада қымбаттай береді дейді одақ төрағасы.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
