Tema : Upaya pelestarian kesenian wayang golek melalui media sosial.

Wayang golék audio kasét ti Giriharja 2 pingpinan dalang Ads Kosasih Sunarya ieu dirékam taun 1970-an. Bisa disebut lalakon nu langka.
Eusi singgetna nyaritakeun kaayaan di karaton Himawat Sawarga Maniloka. Sang Mahaprabu Ratuning Triloka nyaéta Sanghyang Otipati Jagatnata ngangkir Batara Narada katut palaputra Sanghyang Otipati diantarana Batara Indra salaku putra cikal, Batara Wisnu, Batara Bayu, Batara Sambu, jsbn.

Sanghyang Otipati téh meunang pituduh ti sora tan katingalan, yén mun hayang nambah komara jeung wibawa pangawasa alam triloka kudu ngabogaan barang nu disebut Kuncung Sajatining Rasa. Barang éta mangrupakeun buuk bogana Semar Kudapawana nu taya lian lanceukna sorangan Otipati. Meredih ka Batara Narada supaya turun ka marcapada nepungan Semar di Tumaritis pikeun ménta buuk Kuncung Sajatining Rasa.

Batara Narada nolak kahayang Otipati. Antukna diusir ti Sawarga Maniloka ku Otipati. Saterusna Sanghyang Otipati nyieun pengumuman ka sakur saha waé pangeusi marcapada supaya meunangkeun Kuncung Sajatining Rasa. Nu bisa meunangkeun éta naramg pusaka baris diganjar hadiah. Batara Narada sorangan ahirna ngawujud saurang sinatria nu katelah Bangbang Rela Kusuma.

Carios lengkepna mangga bandungan dugi ka réngsé. Cag!

свернуть