Lajme Arkiva 2002
Policia ndërtimore e ndihmuar edhe nga forca të policisë së rendit ka nisur ndërhyrjen në të gjitha nyjet e inerteve në vend të cilat ende nuk kanë zbatuar vendimin e qeverisë për mbylljen e impianteve. Sipas vendimit të qeverisë të gjitha impiantet që shfrytëzojnë impiantet inerte pranë shtretërve të lumenjve do të mbyllen brenda datës 31 Dhjetor ku po sipas këtij vendimi duhet të çmontohen të gjitha pajisjet.
Subjektet private janë lajmëruar nga policia e ndërtimit që zbaton këtë vendim që një muaj më parë, por edhe pas lajmërimit të tyre një pjesë jo e vogël e pronarëve të lavatriçeve kanë kundërshtuar vendimin e qeverisë në bazë të të cilit është dashur ndërhyrja e fadromave.
Shefi i rajonit numër 4 të Tiranës në Policinë e ndërtimit Altin Çeta shprehet:
“Tani ka filluar aksioni i çmontimit të nyjeve inerte. Ka filluar në një fazë të gjerë, në një fushë të gjerë veprimi në basenet ujore Ishëm- Erzen që ka prefektura Tiranë. Ka filluar faza e parë që ka qenë pezullimi teknik, ka filluar çmontimi. Disa nga nyjet inerte kanë filluar vullnetarisht çmontimin. Ka pasur dhe nyje që nuk i janë përgjigjur këtij urdhri të Këshillit të Ministrave dhe në këto nyje është ndërhyrë nga policia e ndërtimit. Ka pasur dhe raste që ka pasur rezistencë, por ne në bashkëpunim dhe me policinë e rendit është vepruar”.
Sipas statistikave pranë drejtorisë së përgjithshme të policisë ndërtimore të inerteve qoftë nga vetë subjektet qoftë nga goditja me fadromë e policisë. Vetëm në kryeqytet është mbyllur vetëm 1/3 e tyre, ndërkohë që afati i fundit i vendosur nga policia e ndërtimit është data 15 Dhjetor./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
