Gjykata e Tiranës la në burg pa afat 3 te arrestuarit për 119 kilogram kokainë të sekuestruara në një kontejner me banane në Tiranë. 2 shoferët dhe administratori kompanisë, mohuan të kenë lidhje me trafikun e drogës.

Në dosjen e Prokurorisë që disponon Tv Klan, rezulton se pasditen e 29 Dhjetorit, Hasan Salihu, shoferi i kompanisë ku u gjetën 119 kilogramë kokainë, shkoi në Portin e Durrësit të merrte kontejnerin me banane, i cili kaloi kontrollin e sigurisë pa probleme.

Ndërkohë shoferi i vënë tashmë në akuzë nga drejtësia si i përfshirë në trafik, ka deklaruar se në vendin e quajtur Romanat, pranë një karburanti e kanë ndaluar 4 persona të cilët kanë kontrolluar kontejnerin për afro 30 minuta.

“Më dolën para makinës dhe më bllokuan duke më thënë “Jemi shteti hap krahun këtu dhe në sendilen e parë të pasagjerit hipi njeri prej tyre”. Hapa krahun në hyrje të një karburanti dhe teksa po rrija, personi që hipi para më tha: “mbylle gojën se do të zhduk familjen po e hape”. Tre personat e tjerë shkuan në pjesën fundore të kontenjerit, hapën derën dhe u futën brenda ku ndenjën rreth 30 minuta duke kontrolluar. Me pas ka zbritur dhe ky personi që ishte në kabinë dhe kanë ikur të katër personat në drejtim të rrugës nacionale për në Durrës”.

Pasi ata janë larguar, shoferi thotë se ka parë se njëra nga gomat ishte e rënë dhe ka kërkuar ndihmë për ti sjell gomë të re. Kjo ndihmë i ka ardhur nga shoferi tjetër i kompanisë, Gëzim Kalaja, edhe ky i akuzuar nga Prokuroria.

Po sipas deklarimeve të shoferit, pasi kontejneri ka mbërritur rreth orës 21:30 te magazine, ka komunikuar me administratorin Marson Murataj, i cili pasi ka kontakuar me drejtuesin e kompanisë, ky i fundit ka njoftuar Policinë.

Gjatë kontrolleve që Policia ka bërë në kontejner, ka gjetur një elektrik dore të ndezur dhe në 7 arka bananesh që ishin më të rënda se të tjerat, janë gjetur 119 kilogramë kokainë.

Tv Klan

#kokaine #gjykataerrethitgjyqesortirane
SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть