Rayonlararası dispanser olmaqla Cənub bölgəsinin ətraf 7 rayonunu əhatə edən Lənkəran Rayonlararası Narkoloji Xəstəxanasında əvvəlki illərə nisbətən müalicə alan xəstələrin sayı xeyli azalıb. Narkoloji xəstələrdə digər ağır xəstəliklərin törəməsinin qarşısını almaqdan ötrü xəstələr ümumi müayinələrə cəlb olunur.
Lənkəran Rayonlararası Narkoloji Xəstəxananın baş həkimi Vüqar Əliyev: “Epideomioloji gərgin olan ərazilərdə şəhər İcra Hakimiyyətinin təşkil etdiyi komissiya ilə birlikdə həkim norkoloqun həmin regionlarda,orta məktəblərdə müəllim şagird heyəti ilə görüşləri, dialoqları təşkil olunur.”
Baş həkim sözlərinə əlavə etdi ki, elə bu aparılan maarifləndirici tədbirlərin nəticəsində bu bəlaya düçar olanların sayı xeyli azalıb. Lakin son illər xəstəxanada qeydiyyatda olan xəstələr arasında sintetik preparatlardan istifadə etmiş xəstələrə də rast gəlinir. Bu xəstələrin müalicəsi isə çox çətin həyata keçirilir.
Lənkəran Rayonlararası Narkoloji Xəstəxananın baş həkimi Vüqar Əliyev: Son dövrlər təssüfləndirici hal odur ki, sintetik növlü heraindən hazırlanan narkotik maddələr daha çox yayılıb, onlardan istifadə edənləri də müalicə etmək çox çətindir”
Burada müalicə alan xəstələr risk qrupuna aiddir, yəni digər ağır xəstəliklərə yoluxma ehtimalları çox böyükdür. Narkotik istifadəçilərində bu bəla ilə yanaşı qiçs, hepatit kimi ağır xəstəliklərin inkişaf etməsi də qaçılmaz deyil.
Lənkəran Rayonlararası Narkoloji Xəstəxananın baş həkimi Vüqar Əliyev: “Ona görə biz bu il 600 xəstədən qiçsə görə qan müayinələri aparmışıq.Bu da Səhiyyə Nazirliyi tərəfindən yaxşı nəticədir,çalışırıq ki,müayinələri daha da artıraq.”
Bildirək ki, hazırda xəstəxanada 2 min 176 xəstə dispanser qeydiyyatındadır. Eyni zamanda profilaktik qeydiyyatda da 400-ə yaxın xəstə var. Qeydiyyatda olan xəstələrin 75-76 %-ni 35-50 yaş arası insanlar təşkil edir. Stasionar şöbədə isə hazırda 6 xəstə müalicə alır.
