#աղոթք #հիսուս #երկրպագություն #jesus #jesuschrist #worship #nameofjesus #holly #jahwe #christmas #սուրբծնունդ
Ծնվեց մանուկ, հրաշքներով է լի,
Որդին է Նա Տիրոջ մեր՝ Բարձրյալի․
Ծնվեց մանուկ՝ պսակով հաղթական,
Երկար սպասված Արքաների Արքան։
Ծնվեց մանուկ․ երկնային Տերն է Նա,
Մարդի՛կ բոլոր, կանչեցե՛ք․ «Օվսաննա՜»։
Ծնվեց մանուկ՝ մեզ ճանապարհ բացող,
Հայր Աստծո հետ մեր Նոր Ուխտը կապող։
Ծնվեց մանուկ, չարին ի պատասխան,
Եկել է Նա, որ տա մեզ ապաստան,
Ծնվեց մանուկ, որ Լույսն է աշխարհի,
Եկել է Նա, որ հույսը չմարի։
Ծնվեց մանուկ, որ մեզ իր սերը տա,
Մեղքերը մեր վերցրեց Նա Իր վրա,
Ծնվեց մանուկ, որն է Էմանուել,
Աստված քեզ հետ է՝ իր կյանքից ի վեր։
Ծնվեց մանուկ․ աշխարհը Նա ցնցեց,
Եվ մարդկությունն Իր կյանքով փրկեց,
Ծնվեց մանուկ, Նրան դու խոնարհվի՛ր
Նրա հանճարով դու էլ փրկվիր։
Ծնվեց մանուկ՝ մարգարեների Տեր,
Ինչպես Եսային իր խոսքում կասեր․
«Ծնվեց մանուկ՝ կույսից է՝ Մարիամից,
Նվեր է Նա մեզ երկնային Հորից։
