Ka përfunduar pa konsensus tryeza e Këshillit Politik. Pas 4 orësh diskutimesh, palët nuk kanë gjetur dakordësi për çështjet e nxehta. Përfaqësuesi i Partisë Demokratike, Oerd Bylykbashi ka deklaruar se PS po minon procesin duke mos pranuar teknologjinë dhe pajisjen e qendrave të votimit me sistem biometrik.
Bylykbashi u shpreh: “Kemi bërë propozime për të garantuar votën që kur hidhet prej zgjedhësve ajo të numërohet e paprekur dhe rezultati të përcaktojë fituesin. Të gjitha propozimet tona janë refuzuar pavarësisht fleksibilitetin tonë për çështje të caktuara. Ne jemi përballur me refuzimin e të gjitha çështjeve që garantojnë procesin zgjedhor. PS nuk ka interesin e qytetarëve dhe as reformën zgjedhore. “
Përfaqësuesi i partisë Socialiste deklaroi se ODIHR-i rekomandon vetëm 10 % të pajisjes së qendrave me sistem biometrik dhe jo në të gjithë territorin. Gjiknuri la të nënkuptojë se opozita po minon procesin e negociatave.
Gjiknuri u shpreh: “Janë dy propozime që na ndajnë teknologjia në zgjedhje 100 dhe reformimi i administratës zgjedhore. Për sa i përket teknologjisë vullneti ka qenë i qartë që ta aplikojmë ashtu edhe në çështjen e votimit elektronik. Edhe administrata jo politike duke ofruar kompromisin tonë duke ofruar hapjen e çdo kutie pas rezultati zgjedhor. Këtë se ka pasur askush. Pranuam përfshirjen e monitorimit me kamera në çdo qendër votimi, nëse ka pretendime për shkelje votimi, kemi pranuar reduktim të financimit nga privati. Shpresoj që këto të mos jenë sebepe për të mos e hedhur në erë këtë reformë, por duam të gjejmë rregulla zgjedhore të përbashkëta, por nuk duam të mbahemi peng."
Deputetja Rudina Hajdari deklaroi se PS e PD nuk duan ndryshim sistemin duke paraqitur në tavolinë sistemin danez që u propozua nga ambasada amerikane.
Rudina Hajdari: "Nuk kuptoj pse PD nuk e përqafon këtë ide të ndryshimit të sistemit, erdha për të gjetur një formulë kompromisi ta pranonin të gjitha palët. Sot propozova një formulë të mbështetur edhe nga ndërkombëtarët dhe nga SHBA dhe hap listën pjesërisht dhe këtë ma hodhën poshtë. PS dhe PD kanë kaq frikë për të hapur listat dhe t'i dhënë qytetarët mundësinë të zgjedhin kë duan. E kuptoj fare mirë Ramën që nuk do pasi është bërë i gjithëpushtetshëm me këtë sistem, por nuk kuptoj Lulzim Bashën pse e do këtë sistem që e ka bërë Ramën perandor. Se kuptoj pse Basha do ta mbajë Ramën perandor. Edhe pse qëndruan bashkë kundër këtij propozimi, sepse kanë frikë nga vota e qytetarit. Unë nuk dorëzohem pasi nga një anë kemi klasën e vjetër politike, nga një anë qytetarët që duan ndryshim sistemi dhe në parlament të futen ata që e meritojnë.”
Tryeza e Këshillit Politik do të mblidhet sërish të dielën, në orën 17:00, që është dhe afati i fundit që palët të gjejnë dakordësi, ashti siç kanë premtuar.
Per informacionet me te fundit klikoni:
Web: [ Ссылка ]
Facebook: [ Ссылка ]
Instagram: [ Ссылка ]
Subscribe kanalin tone ne: youtube:[ Ссылка ]
#abcnews #abcnewsalbania
