SPAK kërkon për Sali Berishën masën arrest në shtëpi. Në Gjykatën e Posaçme u depozitua paraditen e së premtes kërkesa e Prokurorisë së Posaçme, një ditë pasi Kuvendi i hoqi imunitetin deputetit Berisha.
I menjëhershëm ka qenë dhe reagimi i Gjykatës së Posaçme për seancën, e cila u caktua të zhvillohet në datën 26 dhjetor për të dhënë vendimin mbi masën.
Kërkesa e 2 prokurorëve Enkeleda Millonai dhe Arben Kraja do të merret në shqyrtim nga gjyqtarja Irena Gjoka. Masat shtrënguese për vendimin arrest shtëpie janë të ndryshme.
Zoti Berisha duhet të qëndrojë në një banesë dhe përveç familjarëve mund të lejohen edhe njerëz të tjerë, pa mbikëqyrje policore. Ekziston dhe një rast tjetër, që të ketë ruajtje policore në derën e banesës dhe lejohet ta vizitojnë vetëm familjarët.
Një tjetër penalizim i masës së arrestit në shtëpi është dhe kufizimi i telefonatave. Gjykata mund të vendosë ndalimin e bisedave pasi rrezikohet prishja e provave apo mund të ndikojë tek dëshmitarët.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
