Lajme Arkiva 2009
Shqipëria ka bërë progres në reformat politike dhe ka përmbushur pjesën më të madhe të standardeve ndërkombëtare në zgjedhjet parlamentare të 28 Qershorit.
Kështu thuhet në raportin-progresin vjetor të Komisionit Evropian për vendet e Ballkanit, i cili publikohet të mërkurën, por media të ndryshme ndërkombëtare kanë siguruar dhe publikuar pjesë të tij.
Dokumenti i sugjeron Shqipërisë që të bëjë më shumë përpjekje për të siguruar mangësitë e vëna re në këtë proces zgjedhor.
Në raport thuhet gjithashtu se Shqipëria ka bërë progres edhe në përmbushjen e detyrimeve që lindin nga marrëveshja e stabilizim-asociimit, zbatimi i së cilës konsiderohet se po ecën në rrugë të mbarë.
Ndërsa teksa i referohet aplikimit për statusin e vendit kandidat, Komisioni Evropian mendon se është gati të fillojë përgatitjen e opinionit nëse këtë e kërkon këshilli.
Shqipëria ka aplikuar për vendin kandidat në BE 6 muaj më parë dhe është në pritje për një përgjigje zyrtare nga Brukseli.
Presidenca suedeze e Bashkimit Evropian e ka bërë të qartë se kërkesa e Shqipërisë do të shqyrtohet brenda kësaj vjeshte.
Përsa i përket procesit të liberalizimit të vizave, në raport-progresin vjetor thuhet se komisioni do të ofrojë propozimin sapo Shqipëria të plotësoje pjesën e mbetur të kushteve të vëna.
Komision beson se liberalizimi i vizave për vendet e Ballkanit do të kontribuojë në promovimin jo vetëm të paqes në rajon, por edhe në marrëdhëniet mes popujve dhe vendeve.
Përsa i përket Maqedonisë, raporti thekson se ky vend duhet t’u japë fund provokimeve të fqinjëve, ndërsa për Kosovën thuhet se ka fituar stabilitet, ndonëse gjendja vlerësohet si e brishtë./tvklan.al
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
