曾志偉節目言論火花十足惹熱議 曾寶儀上載溫馨合照證父女情不變

曾志偉近日為台灣一個美食節目擔任評審，日前節目邀請曾寶儀作客，兩父女喺節目上唇槍舌劍，分享對食物調味嘅睇法，志偉主張食物調味好緊要，而阿女認為好嘅食物毋須過多調味，覺得醬料係多餘，估唔到志偉爆出一句「最多餘就是你來到這個地球」。

節目播出後，有人認為兩父女好有火花，亦有人覺得志偉呢個玩笑太過火，事發幾日後，寶儀喺社交平台公開回覆，表示自己對爸爸言論完全冇感覺，亦唔會懷疑爸爸對自己嘅愛，仲上載一張兩父女攬住嘅溫馨合照。

志偉呢日喺台北出席一個活動亦有親自回應事件，指呢個只係營造節目效果，必須跟熟人講一啲狠話，志偉坦言同阿女一樣做呢行，一直好有默契，彼此知道邊啲說話係唔使理會，兩父女都覺得呢番說話無傷大雅，二人感情極好，更一齊共度平安夜食飯慶祝，佢哋好珍惜相處時光，對於阿女同男友拍拖19年遲遲未結婚，志偉對仔女結婚生仔抱開放態度，給予仔女充分自由。

#曾志偉 #美食節目 #評審 #曾寶儀 #食物 #調味 #父愛 #結婚 #生仔 #開放態度 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
[ Ссылка ]

登入myTV SUPER享受睇TVB自製節目7日包括娛樂新聞的免費點播
[ Ссылка ]

свернуть