(c)2011 Text & Musik Gert Heinstein
~~~~~~~~~~~~~~~~~~~~~~~~~~~
Üwwerall is Krach, in Stadt un Land
Du wersch aggressiv, der Lärm macht krank
Obwohl mers weeß un drüber wacht
Werd trotzdem uneetig oft Radau gemacht
Niemand werd verschont, niemand werd verschont
Un schließlich glaabsch, mer sei´s so gewohnt

Samstag is frei, sitz uff em Balkon,
Net lang is Ruh, mer kümmert sich drum
S´ werd Auto gsaugt, gebohrt, gesägt
S´Laub weggeblose un Rase gemäht
Mit Maschine so laut, än Lärmrekord
Do verstehsch kaum noch dei eigenes Wort
Un griegsch än dicke Hals, denksch manschmal an Mord

Kaum äner fertig, gehts am anner End los
Schier endloser Krach, was denkt mer sich bloß
Macht äner Musik, beschwert mer sich schnell
Im Handumdrehe is die Polizei zur Stell´
Doch Maschinelärm mer toleriert
Du machsch Radau un nix passiert
Mit Höllelärm än Motor laaft
S´is halt so ,do werd was gschafft!

Jo, Laubwegblose mit Lärm wie ä Siren
Än Bese dets aach un s´würd leiser gehn
De Motormäher knattert mit hunnert Phon
Bei äm elektrische hörsch kaum än Ton
Griegt de Nochbar vun seim Lärm net genuch?
Des denk ich, hock do un fluch
Un irgendwann ichs Weite such

Handarbeit , die strengt halt an
Drum schalt mer so Maschine aach an
Doch vieles, was laut heult und dröhnt
Mer locker sich schun mol spare könnt
Sunscht liege bloß die Nerve blank
Machsch am End mit´m Nachbar Zank
Denn Lärm macht agressiv, Lärm macht krank!

свернуть