[ Ссылка ]
Առաջին հետախուզադիվերսիոն ջոկատի հիմնադիր, հրամանատար Վովա Վարդանովը համոզված է, որ գեներալ-մայոր Արշակ Կարապետյանը պետական համակարգում միանշանակ անելիք ունի, նա բարձր մակարդակի զինվորական է, իսկ սխալվելը բնորոշ է բոլոր զինվորականներին:
Հիշեցնենք, որ ԶՈՒ գլխավոր շտաբի հետախուզության վարչության նախկին պետ Արշակ Կարապետյանը, ով պատասխանատվություն էր կրում ապրիլյան պատերազմի զոհվածների համար և պաշտոնից ազատվել էր 2016թ.-ի ապրիլյան դեպքերից հետո, նշանակվել է Նիկոլ Փաշինյանի խորհրդական:
«Երբ մեկ տարի առաջ վերականգնել էին, ուրիշ պաշտոնի էին նշանակել, ես ուրախացել էի, որովհետև պրոֆեսիոնալին դուրս հանել... միլիոնավոր դոլարներ են ծախսվել այդ մարդուն աճեցնելու համար, տասնյակ տարիներ են գնացել, որ դառնա այդ մակարդակի զինվորական, մի քանի աստղ իջացնեիր, մի քանի պաշտոն իջացնեիր, բայց մարդուն թողնեիր ծառայության մեջ, ի՞նչ ձևով է պատասխանատու, որպես հետախուզության պե՞տ, միգուցե, հետախուզությունը տեղյա՞կ է եղել, միգուցե, բայց չի կարացել մատչելի ձևով շտաբի պետին ներկայացնի իրական վիճակը, որը կարող է բերի կորուստների թուրքերի հարձակման դեպքում: Բայց չի սխալվում ո՞վ, դիվանի վրա նստած մկնիկով պատերազմողը, ո՞նց կարա չսխալվի զինվորականը: Չի սխալվում միայն սրբացած զոհվածը, մնացած բոլոր զինվորականները հավատացնում եմ, որ սխալվում են»,- կարծում է Վարդանովը:
Նա վստահ է, որ Արշակ Կարապետյանը պետական համակարգում անելիք ունի, ասում է. «100 տոկոս անելիք ունի, հիմա Արշակ Կարապետյանը՝ որպես խորհրդական, ինչ ձևի խորհուրդներ կտա, թե Նիկոլ Փաշինյանն ի վիճակի է այդ խորհուրդները լսել, թե Սերժ Սարգսյանի պես ամեն ինչ գիտի, դա ուրիշ խնդիր է, բայց որ Արշակ Կարապետյանի պես կալիբրի զինվորականին չի կարելի կորցնել, արգելվում է, դա շռայլություն է, մենք միլիարդների կորուստի մասին ենք խոսում, մոռանում ենք, որ մարդկային կորուստներ էլ գոյություն ունեն, ոչ զոհվելու տեսքով»:
Subscribe to our channel: [ Ссылка ]...
- Follow us on Twitter: [ Ссылка ]
- Find us on Facebook: [ Ссылка ]
