By in brân yn trije loadsen op wettersportpark Tacozijl op De Lemmer is tiisdei in man ferwûne rekke. Hy hie brânwûnen oan 'e earms en moast nei it sikehûs. It fjoer ûntstie om healwei tolven. Ek giene 6 boaten ferlern.
It hie slimmer kinnen, want yn de loadsen lizze winterdeis 50 oant 60 boaten opslein. Fan 'e loadsen is ek net folle oer. Meardere korpsen rukten út om de brân te blussen.
It fjoer begûn yn de linkerloads en sloech al gau oer nei de oare twa loadsen. De reek luts ek oer de kemping. De gasten binne advisearre út de reek te bliuwen. Der binne gjin skealike stoffen frijkaam by de brân.
