Այսօր՝ Երևանի ավագանու գումարած արտահերթ նիստում, որը վարում էր քաղաքապետ Տարոն Մարգարյանը, հաստատվեց Երևանի քաղաքապետի առաջարկը՝ Երևան քաղաքի 2799-րդ տարեդարձի առթիվ կինոարվեստի զարգացման գործում ներդրած նշանակալի ավանդի, ակնառու վաստակի, երկարամյա և բեղմնավոր գործունեության համար կինոռեժիսոր, ՀՀ ժողովրդական արտիստ Արտավազդ Աշոտի Փելեշյանին «Երևանի պատվավոր քաղաքացի» կոչում շնորհելու մասին որոշման նախագիծը։

Սակայն, մինչ քվեարկությունը՝ «Երկիր ծիրանի»-ի անդամը հարցրեց, թե ինչո:ւ հենց Փելեշյանը: Պատասխանեցին՝ աշխարհի բոլոր բուհերում մինչ օրս կինորարվեստ դասավանդում են նրա գրքերից օգտվելով, բոլոր կինոփառատոններում պատիվ են համարում նրան հրավիրելն ու մասնակցությունը ապահովելը: Բացի այդ՝ երկար տարիներ ապրել ու ֆիլմ է նկարել Երևանում բարրացնելով հայի անունն ամբողջ աշխարհում: Պատասխանը չգոհացրեց «Երկիր ծիրանի»-իի անդամներին ու նրանք դեմ քվեարկեցին:

Օրակարգի երկրորդ հարցը հաղորդավարուհի, ՀԽՍՀ ժողովրդական արտիստ Նարա Շլեպչյանին «Երևանի պատվավոր քաղաքացի» կոչում է շնորհելու մասին էր: Հաշվի էին առել հայկական հեռուստատեսության բնագավառում նրա ներդրած նշանակալի ավանդը, բազմամյա վաստակն ու բեղմնավոր գործունեությունը:

«Երկիր ծիրանի»-ի անդամներից Մարինա Խաչատրայնը հարցրեց.

«Նրանք վաստակաշատ մարդիկ են, բայց ի՞նչ են արել այս մարդիկ՝ այդ կոչումը ստանալու համար: Նրանք ժամանկին ու հիմա էլ լռում են, դրա համար են կոչում ստանում»,-ասաց նա:

«Ճիշտ ա ասում՝ երեկ տեսա՝ Շլեպչյանը քլունգը ձեռքը քանդում էր Երևանը»,-արձագանքեց հիմնական զեկուցողը:

ՀՀկ-ական Աստղիկ Գևորգյանին զայրացրեցին այս հարցերն ու նա հորդորեց իր խոսքով՝ չխոսել այն ամենի մասին, ինչ գալիս է տկար ուղեղներում:

Ուզում եմ, որ մարդիկ մի քիչ շատ կարդան, նոր ելույթի մասին ձայն խնդրեն,-նկատեց Աստղիկ Գևորգյանը՝ թախանձագին խնդրելով, որ մնան ու դառնան ավագանու անդամ ու հեռու լինեն, ու մոռանան փողոցային ինտրիգները:

Հարթ չանցավ նաև Ռազմիկ Դավոյանին «Երևանի պատվավոր քաղաքացի» կոչում շնորհելու մասին որոշումը: Նշենք, որ Երևանի 2799-րդ տարեդարձի առթիվ, հաշվի առնելով հայ գրականության բնագավառում ներդրած նշանակալի ավանդը, ակնառու վաստակն ու բազմամյա գործունեությունը, Երևանի ավագանին քննարկել և հաստատել էր նաև բանաստեղծ, հասարակական գործիչ Ռազմիկ Նիկողոսի Դավոյանին «Երևանի պատվավոր քաղաքացի» կոչում շնորհելու մասին որոշման նախագիծը:

«Կոնկրետ ի՞նչ է արել Ռազմիկ Դավոյանը Երևանի համար»,-կրկին հարցրեց «Երկիր ծիրանի»-ի անդամը:

«Էս ո՞վ ա արա, էսի, խելառ ա էսի, արա»,-արձագանքեց ՀՀԿ-ականը:

Լևոն Իգիթյանն էլ թե. «Նստած մտածում էի, եթե այս կազմով որոշեինք՝ Չարենցն արժեք ունի, թե չէ, Մատենադարանը պետք է, թե չէ, կարծում եմ, որ էլի դեմ կլինեին: Ափսոսում եմ, որ մարդիկ իրենց թույլ են տալիս բացարձակ արժեքների մասին խոսել: Խորհուրդ եմ տալիս մշակույթի, ճարտարապետության մասին խոսելիս պատրաստվել: Ընդդիմադիրներին ուում եմ հարցնել՝ իսկ դո՞ք ինչ եք արել, որ Փելեշյանի մասին հարց եք տալիս: Նա համաշխարահային կինոարվեստի պատմության մեջ է մտել: Ինձ թվաց, թե Ադրբեջանում եմ, այ մարդ»:

«Երևի Դուք եք միայն արժանի Երևանի պատվավոր քաղաքացու կոչմանը»,-արձագանքեցին «Երկիր ծիրանի»-ից:

«Ես որ խոսում եմ՝ ձայնդ կտրի'ր»,-ասաց Իգիթյանը:

Ավելին՝ նրա նյարդերը սկսեցին տեղի տալ ու ասաց.«Ասում են՝ կնոջը վիրավորում ես, ի՞նչ կին, բոզի մեկը» :

Ավագանու մեկ այլ որոշմամբ, տնտեսության զարգացման գործում ներդրած նշանակալի ավանդի և Երևան քաղաքում ակտիվ գործունեություն ծավալելու համար, Երևանի 2799-րդ տարեդարձի առթիվ, «Երևանի պատվավոր քաղաքացի» կոչում է շնորհվել նաև «ՎիվաՍել–ՄՏՍ»-ի գլխավոր տնօրեն Ռալֆ Սեզարի Յիրիկյանին:

свернуть