TRIGGER WARNING: RAPE / SEXUAL HARASSMENT
DALAWANG CONSTRUCTION WORKER, MOST WANTED PERSONS PARA SA KASONG RAPE; ARESTADO SA NUEVA ECIJA
Nagresulta sa pagkakaaresto ng dalawang tinaguriang mga Most Wanted Persons ang manhunt operations na isinagawa ng mga awtoridad noong Oktubre 17, 2022.
Kinilala ang mga suspek na kapwa construction workers na sina OLIVER SUMIBAY y Pagatpat, 41 years old, may asawa, residente ng Brgy. Minabuyok, Talavera at nakatala bilang Top 5 Most Wanted Person ng bayan ng Talavera; at CHRISTOPHER HIZON y Dionisio, 19-anyos, binata, at residente ng Purok Pag-asa Brgy. Daan Sarile, Cabanatuan City na nakalista bilang Most Wanted Person ng Cabanatuan City.
Sa ulat na isinumite kay PCOL RICHARD V CABALLERO, Officer In- Charge, Nueva Ecija Police, bandang 11:30 AM nang magsagawa ng operation ang pinagsanib pwersa ng Palayan City Police Station (lead unit) at 1st PMFC, Palayan City Patrol Base sa Purok Amihan, Brgy. Barrera, Cabanatuan kung saan dinakip si SUMIBAY sa bisa ng Warrant of Arrest for (2 counts) of Rape by Sexual Assault na may inirekomendang piyansa na Php300,000.00 bawat isa.
Habang sa Brgy. Daan Sarile, Cabanatuan City naman inaresto ng mga operatiba ng Cabanatuan Police si HIZON sa bisa ng warrant of arrest para sa kasong panggagahasa nang walang inirekomendang piyansa.
Hanggang sa isinusulat ang balitang ito ay nasa ilalim kustodiya ng mga nasabing operating units ang mga akusado.
#balitangunangsigaw
#tv48station
#nuevaecija
#news
